Ceny na piłamateryjały viarnulisia da ŭzroŭniu, jaki byŭ pierad pandemijaj. Śpiarša ceny na draŭninu ŭpali ŭ pieršyja dni łakdaŭna 2020 hoda, ale nieŭzabavie jany padskočyli, kali ludzi, vymušanyja zastavacca doma, pačali masava budavać, a prodažy zaharadnych damoŭ rezka vyraśli.
Rannija prykmiety inflacyi i razarvanyja łancužki pastavak stali pryčynaj pavyšeńnia cen na piłamateryjały amal utraja. Na praciahu dvuch hadoŭ ceny na piłamateryjały pavialičvalisia, što padymała ceny na žyllo.
Admietna, što biełaruskija ŭłady imknulisia skarystacca hetaj situacyjaj, pavialičyŭšy abjomy vytvorčaści draŭniny i piłamateryjałaŭ. Biełaruskija čynoŭniki i prapahandysty i dahetul marać pradavać u Jeŭropu, jakaja paciarpieła ad enierhietyčnaha kryzisu, pielety. Ale sankcyi suprać biełaruskaj drevaapracoŭki i panižeńnie cen staviać biełaruskich vytvorcaŭ u ciažkaje stanovišča.
Ciapier budaŭniki damoŭ kažuć, što bolš tannaja draŭnina daje im prastoru dla manieŭru, kab mieć dobruju prapanovu dla pakupnikoŭ i adnačasova źnižać ceny, nie źnižajučy prybytak.
Kiraŭniki zavodaŭ, analityki i kansultanty pa lesapramysłovych materyjałach, jakija sabralisia na minułym tydni na kanfierencyi Suśvietnaha centra lasnoj haspadarki ŭ Portłandzie, štat Arehon, zajavili, što lesapramysłovy siektar rychtujecca da recesii, choć i nie surjoznaj.
Ciapier čytajuć
Darja Šmanaj dvojčy traplała ŭ avaryi ŭ Maskvie na čužym «Miersedesie»1
Kamientary