Biełaruś nie zmahła znajści zamienu jeŭrapiejskim rynkam dla prodažu pielet
Adziny tavar drevaapracoŭki, dla jakoha Biełaruś pakul nie zmahła znajści novych rynkaŭ zbytu, kab zamiaścić rynki jeŭrapiejskich krain, što vypali z-za sankcyj, — heta paliŭnyja pielety. Pra heta raspavioŭ ministr lasnoj haspadarki Alaksandr Kulik, piša Office Life.
Pavodle jaho słoŭ u efiry BT, z-za klimatyčnych umoŭ paŭdniovym krainam paliŭnyja pielety nie patrebnyja. Heta byŭ premium-tavar dla jeŭrapiejskaha rynku — pry raźvićci ŭ nas vytvorčaści pielet aryjentavalisia ŭ pieršuju čarhu na jaho jomistaść, a heta — 3 młn t na hod.
Ciapier Biełaruś vyrablaje 900 tys. t na hod, i, pa słovach Kulika, da sankcyj pa pradukcyju pieletnych pradpryjemstvaŭ «čarha stajała».
Ciapier pošuk novych rynkaŭ zbytu i vybudoŭvańnie novych łahistyčnych łancužkoŭ dla ekspartu pielet — zadača numar adzin dla Minlashasa. Jość płany i na ŭnutrany rynak: na dumku ministra, kali ŭ Biełarusi madernizavać kala 540 kacielniaŭ, jany zmohuć spažyvać 100 tys. t pielet na hod, heta značyć 1/9 ad ahulnaha abjomu vytvorčaści.
U cełym ža drevaapracoŭka zmahła pieraaryjentavacca na novyja rynki zbytu — u pryvatnaści, pavialičylisia pastaŭki ŭ Kitaj.
Z červienia 2022 hoda ekspart biełaruskich piłamateryjałaŭ raście: kali da hetaha kožny miesiac ekspartavałasia 60 tys. kuboŭ, to ŭžo ŭ lipieni 2022 hoda hety abjom vyras da 77 tys.
Sa słoŭ Kulika, praficyt lesu ŭ krainie dasiahnuŭ 2,5 młn kuboŭ.
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary