Čamadanava raskazała, što kateharyčna nielha abmiarkoŭvać na kuchniach
Volha Čamadanava, niadaŭna abranaja na pasadu staršyni praŭładnaj partyi «Biełaja Ruś», u efiry adnoj z prahram ahienctva «Minsk-Naviny» raskazała, jak hramadzianie pavinny siabie pavodzić va ŭmovach infarmacyjnaj vajny.
Na dumku Čamadanavaj, adzinaj krynicaj infarmacyi pra toje, što adbyvajecca ŭ krainie, dla biełarusaŭ pavinny być paviedamleńni aficyjnych orhanaŭ:
«Lubaja infarmacyja, jakuju vy atrymlivajecie z tyktoku i inšych sacsietak, moža akazacca niedakładnaj. U vypadku nadzvyčajnaha zdareńnia treba daviarać tolki tym orhanam, jakija niepasredna hetym zajmajucca. Ministerstva abarony i Śledčy kamitet — heta struktury, jakija vyjazdžajuć na miesca zdareńnia i dajuć kamientary, mahčymyja zychodziačy z stanovišča. U vypadku nadzvyčajnaha zdareńnia nikoli nie treba siejać paniku, niešta nadumvać, zaŭsiody treba čakać bolš padrabiaznych navin».
Što da atrymańnia infarmacyi z sacsietak i nastupnaha abmierkavańnia jaje ludźmi pamiž saboj, to čynoŭnica adznačaje:
«My starajemsia pamienš zhadvać 2020 hod, ale ŭsio roŭna viartajemsia da hetaha dośviedu. U nas lubiać na kuchni źbiracca i abmiarkoŭvać usio, što chtości pračytaŭ. Heta kateharyčna nielha rabić, kali vy pračytali źviestki nie ŭ aficyjnaj krynicy. Mnohija ź ich niedakładnyja, tamu što infarmacyjnaja vajna nie moža skončycca, zaŭsiody buduć naradžacca novyja ŭkidy».
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary
U hałavy pavinna być try režymy:
1) Usprymać infarmacyju aficyjnych orhanaŭ.
2) Čakać bolš padrabiaznych navin.
3) Pustata.