Чамаданава расказала, што катэгарычна нельга абмяркоўваць на кухнях
Вольга Чамаданава, нядаўна абраная на пасаду старшыні праўладнай партыі «Белая Русь», у эфіры адной з праграм агенцтва «Мінск-Навіны» расказала, як грамадзяне павінны сябе паводзіць ва ўмовах інфармацыйнай вайны.
На думку Чамаданавай, адзінай крыніцай інфармацыі пра тое, што адбываецца ў краіне, для беларусаў павінны быць паведамленні афіцыйных органаў:
«Любая інфармацыя, якую вы атрымліваеце з тыктоку і іншых сацсетак, можа аказацца недакладнай. У выпадку надзвычайнага здарэння трэба давяраць толькі тым органам, якія непасрэдна гэтым займаюцца. Міністэрства абароны і Следчы камітэт — гэта структуры, якія выязджаюць на месца здарэння і даюць каментары, магчымыя зыходзячы з становішча. У выпадку надзвычайнага здарэння ніколі не трэба сеяць паніку, нешта надумваць, заўсёды трэба чакаць больш падрабязных навін».
Што да атрымання інфармацыі з сацсетак і наступнага абмеркавання яе людзьмі паміж сабой, то чыноўніца адзначае:
«Мы стараемся паменш згадваць 2020 год, але ўсё роўна вяртаемся да гэтага досведу. У нас любяць на кухні збірацца і абмяркоўваць усё, што хтосьці прачытаў. Гэта катэгарычна нельга рабіць, калі вы прачыталі звесткі не ў афіцыйнай крыніцы. Многія з іх недакладныя, таму што інфармацыйная вайна не можа скончыцца, заўсёды будуць нараджацца новыя ўкіды».
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай17
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
У галавы павінна быць тры рэжымы:
1) Успрымаць інфармацыю афіцыйных органаў.
2) Чакаць больш падрабязных навін.
3) Пустата.