Zafiksavanaja rekordnaja za apošni čas kolkaść rasijskich dronaŭ, jakija za noč zalacieli ŭ Biełaruś
Pry čarhovaj masiravanaj rasijskaj atacy Ukrainy ŭ noč na 31 lipienia, kali Rasija zapuściła bolš za 300 dronaŭ i 8 rakiet, pabity rekord apošnich miesiacaŭ pa zalaciełych za sutki ŭ Homielskuju vobłaść Biełarusi rasijskich BPŁA, piša «Fłahštok». Takuju vysnovu vydańnie zrabiła paśla vyvučeńnia źviestak ukrainskich manitorynhavych kanałaŭ.
Pavodle padlikaŭ «Fłahštoka», ź viečara 30 lipienia zafiksavana jak minimum 26 vypadkaŭ zalotaŭ (pavodle źviestak telehram-kanała «Rynda manitoryć») u pavietranuju prastoru Biełarusi rasijskich BPŁA pry atacy terytoryi Ukrainy.
Pieršyja ŭvarvańni ŭ pavietranuju prastoru Homielskaj vobłaści adbylisia ŭviečary 30 lipienia, ale nie byli zafiksavanyja. Jość źviestki tolki pra vylet dronaŭ nazad na terytoryju Ukrainy kursam na Prypiać i na Čarnobyl.
Taksama byŭ zaŭvažany ruch BPŁA pa ŭkrainska-biełaruskaj miažy ŭ rajonie Oŭruča. Zatym, z 22:27 da 23:47, rasijskija drony fiksavalisia ŭ rajonie Naroŭli, Brahina, Mazyra i Łojeva.
Akramia taho, pa paviedamleńni čytačoŭ «Fłahštoka», charakterny šum ad pralotu dvuch BPŁA čuli na poŭdzień ad Homiela, ale dakładnych danych pra ich dalejšy kirunak niama. A ŭžo paśla poŭnačy čatyry bieśpiłotniki vyjšli z Homielskaj vobłaści ŭ napramku ŭkrainskich Čarnobyla i Narodzičaŭ.
Z ulikam usich rasijskich BPŁA, jakija zalacieli ŭ lipieni ŭ Biełaruś, pabity miesiačny rekord studzienia 2025 hoda — jak minimum 96 vypadkaŭ parušeńnia pavietranaj prastory Biełarusi praz Homielskuju i Bresckuju vobłaści.
Raniej, u noč na 4 lipienia, «Fłahštok» fiksavaŭ 1 zalot, z 7 pa 13 lipienia — 61 vypadkaŭ, u noč na 21 lipienia — 3, u noč na 28 lipienia — 5 zalotaŭ.
Niekalki rasijskich dronaŭ pralacieli viečaram nad Homielskaj vobłaściu
Niekalki śviedkaŭ kažuć, što bieśpiłotnikaŭ na Minsk lacieła dva
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni
Łukašenka buduje sakretny zavod pa vytvorčaści dronaŭ u Minsku
U Litvie padraździaleńnie SPA pieramiaścili bližej da miažy ź Biełaruśsiu
Ciapier čytajuć
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki31
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1717
Kamientary