Biełaruska atrymała jak reštu niezvyčajnuju manietu, jakaja kaštuje daražej za naminał
Žycharka Minska Maryna raskazała vydańniu Myfin, što padčas adpačynku ŭ Nicy kuplała kruasan i atrymała ad pradaŭca niezvyčajnuju manietu.
«My pryhledzielisia ź plamieńnikam i zrazumieli, što manieta adroźnivajecca ad zvyčajnych: na joj namalavanaja Ejfieleva vieža. Pahuhlili i zrazumieli, što takija dva jeŭra možna pradać daražej, čym jany kaštujuć», — kaža Maryna.
Sapraŭdy, na «Vajłdbieryz» anałahičnaja manieta pradajecca pa canie ad 20 da 42 rubloŭ.
Na ebay manieta kaštuje $5,69, ale z ulikam dastaŭki (ad $7,95) vychodzić $13,65 — heta kala 40 rubloŭ.
Kolki možna zarabić na takoj maniecie? Na heta pytańnie pa prośbie redakcyi vydańnia adkazaŭ numizmat.
«Heta pamiatnaja manieta Paris 2024 2 euro, takich vypuścili cełuju sieryju, pryśviečanuju Alimpijadzie ŭ Paryžy 2024 hoda. Manieta z vyjavaj Ejfielevaj viežy samaja papularnaja i jana fłahmanskaja, takich vypuścili bolš za ŭsio.
Usiudy rozny paznačany tyraž, ale, ja tak razumieju, ich bolš za miljon — jany vypuskalisia i ŭ naborach, i asobna. Heta pieršaja pryčyna, jakaja ŭpłyvaje na košt maniety ŭ bok jaho źmianšeńnia.
Druhi faktar: miarkujučy pa fota, manieta ŭ kiepskaj jakaści, bačnyja paciortaści, akiśleńnie. Jaje cana na rynku ŭ stanie UNC (manieta, jakaja nie była ŭ abaračeńni) — $6-9.
U takim stanie, jak u vašaj čytački, manietu možna acanić u $4-5. Ale budzie składana jaje realizavać, bo padobnych vielmi šmat na rynku», — skazaŭ ekśpiert.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary