Pastajanny pradstaŭnik Biełarusi pry AAN Valancin Rybakoŭ paviedamiŭ u intervju telekanału «Biełaruś 1», što pieramovy pamiž Biełaruśsiu i ZŠA praciahvajucca i abodva baki rychtujuć niejkija novyja kroki.
Rybakoŭ zajaviŭ, što ciapier iduć kansultacyi z pradstaŭnikami amierykanskich uładaŭ. Praces, maŭlaŭ, nie taki chutki, jak chaciełasia b, ale jon prachodzić plonna i stabilna.
«Praces praciahvajecca. My ŭ pastajannym kantakcie z pradstaŭnikami Dziarždepartamienta, Administracyi prezidenta ZŠA, Savieta nacyjanalnaj biaśpieki. Praciahvajucca kansultacyi, pieramovy. Rychtujucca čarhovyja kroki z abodvuch bakoŭ. Usio vielmi plonna raźvivajecca. Prosta z ulikam burnych padziej va ŭsim śviecie i vialikaj zaniataści ŭsich uciahnutych nie tak chutka idzie praces, jak chaciełasia b. Ale mahu vas zapeŭnić, što jon idzie», — skazaŭ dypłamat.
Padčas sustrečy z kiraŭnikami biełaruskich dypłamatyčnych viedamstvaŭ 31 lipienia Alaksandr Łukašenka adznačyŭ, što mienavita Valancin Rybakoŭ źjaŭlajecca adkaznym za pieramovy z amierykanskim bokam, padkreśliŭšy, što važna, kab byli sustrečnyja ruchi i ad amierykanskaha kiraŭnictva.
Rybakoŭ: Biełaruś i ZŠA abmiarkoŭvajuć mahčymaść poŭnaj narmalizacyi adnosin
U Biełarusi nijak nie mohuć znajści, kaho pasłać u Nihieryju
Łukašenka kaža, što prapanoŭvaŭ Zachadu «pieradać niekalki tysiač» palitviaźniaŭ
Łukašenka: Biełarusi treba vajennaja mabilizacyja, kab utrymać ekanomiku krainy ŭ składanaj mižnarodnaj abstanoŭcy
Kamientary
Nu pra zaniataść amierykanskaha boku ŭsio zrazumieła. A voś čym tam vialika zaniataje łukašenkaŭskaje MZS - niezrazumieła :)