U Lepielskim rajonie adbyŭsia ekałahičny incydent: amal całkam vysachła štučnaje voziera Kastryckaje (taksama viadomaje jak Ščuraŭka). Pryčynaj stała nara, jakuju vykapaŭ babior u centry damby. Padčas pavodki dambu pačało razmyvać, užo 19 lipienia ŭzrovień vady źniziŭsia na paŭmietra, a 23 lipienia dambu prarvała kančatkova, piša Fishingby.com.
Miascovyja rybałovy sprabavali samastojna spynić praces asušeńnia: zasypali pramyŭ złamanaha ŭčastka cehłaj i źviarnulisia pa dapamohu ŭ sielsaviet, kab arhanizavać ciažkuju techniku. Ale miascovyja ŭłady na prośbu nie adreahavali. Pa słovach adnaho z rybałovaŭ, viaskoŭcy byli hatovyja sabrać hrošy, ale biez techniki spynić razbureńnie damby nie ŭdałosia.
Voziera Kastryckaje było stvorana prykładna 25 hadoŭ tamu i naležała miascovamu saŭhasu. Ciapier hetaja ziamla maje inšaha ŭłaśnika. Paśla avaryi vadajom pieratvaryŭsia ŭ bałota: zahinuła ryba, źnikli ptuški, takija jak lebiedzi i kryžanki.
U teoryi voziera možna adnavić, kali zasypać pramyŭ i ŭmacavać dambu, ale ci znojdziecca chto-niebudź, chto voźmiecca za hetuju pracu, pakul niezrazumieła.
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści41
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary
budzie sušejšaja pahoda - sam ŭsio zahacić i biez techniki.