Tramp nazvaŭ Miadźviedzieva «byłym prezidentam-niaŭdačnikam» i paraiŭ sačyć za słovami
«Jon ustupaje na vielmi niebiaśpiečnuju terytoryju!»
Prezident ZŠA Donald Tramp vykazaŭsia nakont ultymatumu Rasii.
«Mnie ŭsio roŭna, što Indyja robić z Rasijaj. Jany mohuć razam adnaŭlać svaju miortvuju ekanomiku, mnie ŭsio roŭna. U nas vielmi mała dziełavych adnosin ź Indyjaj, ich taryfy zanadta vysokija, adny z samych vysokich u śviecie. Anałahičnym čynam, Rasija i ZŠA amal nie viaduć biznes razam. Davajcie pakiniem usio jak jość i skažam Miadźviedzievu, byłomu prezidentu-niaŭdačniku Rasii, jaki ŭsio jašče ličyć siabie prezidentam, sačyć za svaimi słovami. Jon ustupaje na vielmi niebiaśpiečnuju terytoryju!» — napisaŭ Tramp u svajoj sacsietcy Truth Social.
Na hetym tydni prezident ZŠA zajaviŭ, što daje Rasii 10 dzion, kab pakazać prahres u spynieńni vajny va Ukrainie, — inakš Amieryka ŭviadzie pošliny i prymie inšyja miery suprać Rasii. Dahetul Tramp davaŭ Maskvie termin u 50 dzion, ale rašyŭ jaho skaracić.
Dźmitryj Miadźviedzieŭ, jaki ciapier zajmaje pasadu namieśnika staršyni Rady biaśpieki Rasii, kamientavaŭ heta tak:
«Tramp hulaje z Rasijaj va ŭltymatum: 50 dzion ci 10… Jamu varta pamiatać 2 rečy:
1. Rasija — heta nie Izrail i navat nie Iran.
2. Kožny novy ŭltymatum — heta pahroza i krok da vajny. Nie pamiž Rasijaj i Ukrainaj, a ź jaho ŭłasnaj krainaj. Nie chadzi pa darozie sonnaha Džo!»
-
«Alternatyva dla Hiermanii» ŭ novaabranym łandtahu Saksonii-Anchalt adrazu ž zapatrabavała spynić padtrymku Ukrainy i admianić sankcyi suprać Rasii
-
ZŠA padtrymali Łatviju ŭ baraćbie ź nielehalnaj mihracyjaj i vysoka acanili jaje hatoŭnaść uzajemadziejničać ź Biełaruśsiu
-
U Ispanii pamierła 87‑hadovaja žančyna, sprava jakoj spravakavała ciapierašni palityčny kryzis u krainie
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary