Minčuk paprasiŭ barystu abmianiać 250 rubloŭ — i pajšoŭ z prybytkam. Fokus trapiŭ na videa
Supracoŭnica minskaj kaviarni pieraličvała vyručku, znajšła niedachop i źviarnułasia ŭ milicyju. Akazałasia, naviedvalnik źvioŭ 110 rubloŭ chitrym sposabam, piša Onliner.by.
Vyjaśniłasia, što 48-hadovy minčuk zajšoŭ u kaviarniu i paprasiŭ barystu abmianiać drobnyja kupiury na bujnyja. Z saboj u mužčyny było 250 rubloŭ piacirublovymi banknotami.
Dziaŭčyna pieraličyła i skazała, što nie chapaje 10 rubloŭ. Tady naviedvalnik znoŭ uziaŭ stos kupiur, pačaŭ pieraličvać sam i niezaŭvažna schavaŭ častku kupiur u kišeniu. Z druhoj kišeni jon dastaŭ 10 rubloŭ i addaŭ dziaŭčynie.
Pradaviec była ŭpeŭnienaja, što mužčyna ciapier pieradaŭ joj 250 rubloŭ, i nie pieraličvała ich, a addała jamu hetuju sumu bujnymi kupiurami. Takim sposabam mužčyna atrymaŭ 110 rubloŭ.
Zatrymany pryznaŭsia, što śpiecyjalna adciahvaŭ uvahu dziaŭčyny razmovaj. Ciapier praviarajecca jahonaja datyčnaść da anałahičnych vypadkaŭ.
Zaviedziena kryminalnaja sprava pa fakcie machlarstva. Raniej fihurant užo pryciahvaŭsia da adkaznaści za machlarskija dziejańni.
Ciapier čytajuć
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary
[Zredahavana]