«Pucin usio bolš i bolš u pałonie niejkich svaich pierakanańniaŭ ab misii, histaryčnaj značnaści. U Łukašenki niama pijetetu da niejkaj hłabalnaj misii za vyklučeńniem ułasnaj ułady».
Palityčny analityk Arciom Šrajbman parazvažaŭ pra roźnicu pamiž Alaksandram Łukašenkam i Uładzimiram Pucinym u novym vypusku jutub-kanała niezaležnaha ekśpiertna-analityčnaha centra Karnehi pa vyvučeńni Rasii i Jeŭrazii ŭ Bierlinie.
Pavodle jaho słoŭ, Łukašenka vyhladaje bolš efiektyŭnym i hibkim palityčnym hulcom, čym jaho rasijski sajuźnik, jon bolš kirujecca mierkantylnymi, utylitarnymi raźlikami, čym Pucin.
«Łukašenka mienš ideałahična apantany, čym Uładzimir Pucin. Mnie padajecca, my heta ŭžo nazirajem nie pieršy hod.
U Łukašenki niama, naprykład, palitviaźniaŭ, jakich treba abaviazkova zabić u turmie i nielha abmianiać. U Łukašenki niama niejkaha pijetetu da niejkaj hłabalnaj misii (…) za vyklučeńniem ułasnaj ułady, nu i da taho, što jon bačyć, jak vidać, sinonimam nacyjanalnaj cikavaści — zachavańnia jaho kłana va ŭładzie. Ale niama zvyšidei traplańnia ŭ padručniki suśvietnaj historyi, ab pašyreńni ŭpłyvu. Heta narmalna dla nieimpieryi ŭsio ž taki, nie mieć takich płanaŭ», — davodzić Šrajbman.
Pucin, na dumku analityka, stračvaje racyjanalnaść u pryniaćci rašeńniaŭ i dziejničaje pad upłyvam ułasnaj viery ŭ histaryčnuju misiju Rasii:
«U hetym sensie Pucin, viadoma, krychu mienš pradkazalny. Łukašenka, niahledziačy na ŭsiu svaju emacyjnaść, niejkuju niestabilnaść vierbalnuju, tym nie mienš jak palityčny aktar davoli pradkazalny.
I ruchajecca pa padobnych paternach užo nie pieršaje dziesiacihodździe. Prosta abstaviny mianiajucca. Ale sam Łukašenka ŭ hetym sensie, jon jak viadomy pravierany miechanizm — kali budzie ŭźnikać akno mahčymaściej dla jaho dypłamatyčnaje, jon budzie im karystacca. Z Pucinym ža ŭsio krychu składaniej, na moj pohlad.
Mnie zdajecca, my nazirajem niejkuju ŭsio bolš i bolš takuju deprahmatyzacyju hetaha čałavieka. Jon stanovicca ŭsio mienš i mienš ruchomy ŭzvažvańniem abjektyŭnych plusaŭ i minusaŭ, strat i prybytkaŭ. Čałaviek usio bolš i bolš u pałonie, jak mnie padajecca, svaich pierakanańniaŭ ab misii, histaryčnaj značnaści i hetak dalej».
Analityk adznačaje, što «heta toje, što zaraz ašałamlalna adroźnivaje, dva režymy, i čamu z punktu hledžańnia mižnarodnaj dypłamatyi Łukašenka bolš hibki za Pucina».
Ciapier čytajuć
«Zabić jaho ci adrezać jamu jajki ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie12
Kamientary
voś što impieryjalizm zrabiŭ z mułam Sabčaka . usio tak, jak i relihijnyja fanatyki Nikałaj 1 i Nikałaj 2, abodva skončyli drenna , čakajem novy 1917
dziakuj Bohu ja Litvin !!