«Budynak z hadzińnikam» na płoščy Jakuba Kołasa chočuć pierarabić u šmatfunkcyjanalny kompleks z ofisami i kazino
U Minsku budynak byłoha palihrafičnaha kambinata na vuł. Krasnaj, 23, viadomy jak «budynak z hadzińnikam», źbirajucca pierarabić u šmatfunkcyjanalny centr z ofisami i kazino. Jak piša Onliner, z 4 žniŭnia da 3 vieraśnia projdzie hramadskaje abmierkavańnie spravazdačy ab acency ŭździejańnia na navakolnaje asiarodździe.
Prajekt realizuje pradpryjemstva «Prynces Płaza Centr». Jano źbirajecca rekanstrujavać budynak 1950‑ch hadoŭ, jaki ŭvachodzić u skład historyka‑kulturnaj kaštoŭnaści treciaj katehoryi. Idzie havorka ab adnym z «budynkaŭ z hadzińnikam», jakija raźmieščany na płoščy Jakuba Kołasa. Kankretna — pra toj, što znachodzicca źleva. Pavodle danych aŭtaraŭ prajekta, ciapier jon nie vykarystoŭvajecca.
Prajektam praduhledžana arhanizacyja handlovych pamiaškańniaŭ płoščaj 4,4 tys. kvadratnych mietraŭ, a taksama ofisnych — na 7,8 tys. «kvadrataŭ». Akramia taho, tut źbirajucca raźmiaścić bank, fitnies-kłub, kaviarniu na 50 pasadačnych miescaŭ, kazino z raźlikam na adnačasovaje znachodžańnie 100 naviedvalnikaŭ i padziemnuju aŭtaplacoŭku na 445 mašyna-miescaŭ.
Pavodle infarmacyi Onliner, na hramadskaje abmierkavańnie płanujecca vynieści try varyjanty. Adzin ź ich praduhledžvaje ŭźviadzieńnie centra z zachavańniem abličča budynka. Pa zadumcy aŭtaraŭ prajekta, rekanstrukcyja dazvolić stvaryć novyja rabočyja miescy, palepšyć źniešni vyhlad budynka i stvaryć kamfortnyja płyni ruchu transpartu i piešachodaŭ.
Pa druhim varyjancie budynak zastanuć u ciapierašnim stanie. Heta, na dumku raspracoŭščykaŭ, aznačaje admovu ad raźvićcia terytoryi i straty architekturnaha patencyjału abjekta. U apošnim varyjancie prajekt mohuć pieranieści ŭ inšaje miesca. Jakoje — u prajekcie nie raskryvajecca, bo rekanstrukcyju płanujecca vykanać mienavita na hetym učastku.
Ciapier čytajuć
Staŭ viadomy dakładny adras, pa jakim žyvie Anžalika Mielnikava ŭ Minsku29
Staŭ viadomy dakładny adras, pa jakim žyvie Anžalika Mielnikava ŭ Minsku
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1212
Kamientary