Pamierła artystka ź Biarozaŭskaha rajona, jakaja źbirała miljony prahladaŭ
16 lipienia ŭ vioscy Zarečča Biarozaŭskaha rajona raźvitalisia z Zojaj (Safijaj) Barysiuk — udzielnicaj viadomaha narodnaha dueta «Zoja i Valera», paviedamlaje vydańnie «Pieršy». Joj było 79 hadoŭ.
Viadomaść pryjšła da Zoi vypadkova ŭ 2012 hodzie, kali niechta sa svajakoŭ vykłaŭ na YouTube pieśniu rasijskaj śpiavački Aleny Vajenhi «Kuru» ŭ jaje vykanańni prosta za kuchonnym stałom. Rolik chutka staŭ virusnym, nabraŭ miljony prahladaŭ i zrabiŭ duet viadomym.
Potym «Kuru» zastałasia hałoŭnym chitom Zoi Barysiuk — vidać, nichto bolš tak ščyra i pranikniona hetu pieśniu nie śpiavaŭ. Alena Vajenha, darečy, nijakich pretenzij adnosna aŭtarskaha prava nie mieła i navat, kažuć, aficyjna dazvoliła duetu vykonvać pieśniu.
U repiertuary śpiavački-samarodka byli i narodnyja biełaruskija pieśni, i papularnyja sučasnyja, mnohija Zoja pisała sama. Na piku słavy duet nieadnarazova jeździŭ u Maskvu na telešoŭ NTV i ORT, pra ich zdymali filmy, brali intervju, zaprašali na śviaty i kancerty.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»7
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary
Pratakoł u 2020-m tak tam i nie vyviesili, a ŭ 2022-m papsa z kałonak niejkaja hrała na ŭčastku, pakul u niebie nad rajonam transpartnyja samaloty akupantaŭ vazili rakiety, kab susiedziaŭ zabivać.
Adśpiavała babula svajo, nažal. Mo Siałuk novuju zorku dašle, kab nie było sumna vypivać na ŭčastku ŭ pracesie "svabodnaha volevyjaŭleńnia".