Raptoŭna pajšła z žyćcia siabra Nacyjanalnaha kamiteta Abjadnanaj hramadzianskaj partyi Iryna Jaskievič, paviedamili ŭ sacsietkach jaje adnapartyjcy. Joj było 62 hady.
Iryna Jaskievič naradziłasia 17 studzienia 1963 hoda ŭ Starych Darohach. Skončyła Minski technałahičny kaledž pa śpiecyjalnaści «dyzajnier žanočaha adzieńnia».
Z 1996 hoda jana była pradprymalnicaj, aktyŭna zajmałasia hramadskaj dziejnaściu, abaraniajučy pravy małoha biznesu. Iryna ŭdzielničała i inicyjavała bolš za 12 zabastovak nie tolki ŭ horadzie Viciebsku, ale i ŭ Minsku, adna ź jakich doŭžyłasia kala 3 miesiacaŭ.
U 1998 hodzie stała staršynioj Rady pradprymalnikaŭ na małym viciebskim rynku «Paŭdniovy». U 2008 hodzie była abranaja staršynioj Rady pradprymalnikaŭ adnaho z najbujniejšych handlovych centraŭ Viciebska «Evikom».
U 2005 hodzie zasnavała Biełaruski niezaležny prafsajuz «Razam», uparta dabivajučysia jaho rehistracyi. U 2017 hodzie zarehistravała Centr padtrymki pradprymalnictva.
Iryna Jaskievič była šmathadovaj kiraŭnicaj Viciebskaj haradskoj arhanizacyi AHP. Nieadnarazova bałatavałasia ad partyi na vybarach u miascovyja saviety roznych uzroŭniaŭ, a taksama ŭ Pałatu pradstaŭnikoŭ.
Na vybarach u Pałatu pradstaŭnikoŭ 2016 hoda «Naša Niva» ŭklučała Irynu Jaskievič ŭ top-7 samych jarkich rehijanalnych kandydataŭ, pradstaŭlajučy žančynu tak:
«Adna z samych śmiełych pradprymalnic krainy. Jaskievič nie z tych, chto adsiedžvajecca i čakaje, a zaŭsiody rašuča dziejničaje. Jaje viedajuć ułady nie tolki ŭ rodnym Viciebsku, ale i Minsku. Jaskievič aktyŭna sprabuje dahrukacca da ludziej, choć i pryznaje, što bolšaść stavicca da vybaraŭ absalutna abyjakava».
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary
Pośle toho kak v sieriedinie piervoj diekady tiekuŝieho stoletija vsia OHP Vitiebska družno dvinuli v emihraciju v Bielhiju.