49-hadovy akcior byŭ stvaralnikam inkluziŭnaha Tym Teatra ŭ Homieli, ale paśla represij byŭ vymušany źjechać u Varšavu.
Pra śmierć biełaruskaha akciora Andreja Barduchajeva-Arła paviedamili ŭ sacsietkach jaho siabry.
«Doŭhi čas Andrej i jaho siamja amal nikomu nie raspaviadali pra chvarobu, spadziejučysia spravicca samastojna i kaliści padzialicca radasnaj navinoj pra pieramohu nad ciažkim dyjahnazam. Na žal, cud nie adbyŭsia…», — napisaŭ kupałaviec Ihar Sihoŭ.
Andrej Barduchajeŭ-Aroł i jaho žonka Alesia stvaryli ŭnikalny inkluziŭny Tym Teatr u Homieli, dzie rabili śpiektakli dla słabaviduščych hledačoŭ.
Za svaju aktyŭnuju hramadzianskuju pazicyju i ŭdzieł u pratestach 2020 hoda Andrej i Alesia sutyknulisia ź ciskam, u vyniku čaho im pryjšłosia pakinuć Biełaruś i pierajechać u Varšavu.
Jaho apošniaja rola była rola Piśmieńnika ŭ śpiektakli «Orden Biełaj Myšy» pa tvory Uładzimira Arłova. Jon vychodziŭ na scenu ŭžo ankałahična chvorym, raskazali siabry akciora.
Dapamahčy siamji Barduchajeva-Arła možna pa nastupnych rekvizitach:
Numar dla pieravodu (BLIK): +48796525441
Numar rachunku: PL 83 1020 1042 0000 8002 0457 5355
Kamientary