U Nacbanku rastłumačyli pryčyny techničnaha zboju, jaki adbyŭsia z kartkami
Jak paviedamiŭ namieśnik staršyni praŭleńnia Nacbanka Andrej Kartun, zboj 9 lipienia adbyŭsia padčas čarhovaha płanavanaha abnaŭleńnia sistemy i zakranuŭ niekatoryja banki, piša BiełTA.
«Sapraŭdy, učora ranicaj u sistemie adbyŭsia techničny zboj. Jon byŭ źviazany z čarhovym płanavym abnaŭleńniem sistemy i zakranuŭ peŭnyja banki. Mnohija mahli ŭbačyć admoŭny bałans abo niejkaje śpisańnie hrašovych srodkaŭ», — skazaŭ Andrej Kartun.
Adnak čynoŭnik padkreśliŭ: hrošy nie źnikli, nichto ich nie kraŭ — heta nie byŭ ni virus, ni chakierskaja ataka, a zvyčajny techničny zboj.
Na siońniašni dzień sistema ŭžo, jak jon śćviardžaje, pracuje narmalna, a banki paviedamlajuć, što ŭsie pamyłki vypraŭlenyja.
Zboj moh zakranuć navat supracoŭnikaŭ samoha Nacbanka, mižbankaŭskaha raźlikovaha centra i zvyčajnych karystalnikaŭ.
«Nie viedaju, što vy tam vypraŭlali, ale minus jak byŭ tak i zastaŭsia». Klijenty bankaŭ praciahvajuć skardzicca na niapravilnyja bałansy
Bałansy na kartkach troch bankaŭ adnoŭlenyja
Bankaŭski pracesinhavy centr vyznačyŭ novy dedłajn dla viartańnia hrošaj na kartki. Dva ŭžo pravalenyja
«Hrošy nikudy nie padzielisia, ich nichto nie skraŭ». U Bankaŭskim pracesinhavym centry prakamientavali situacyju sa śpisańniem srodkaŭ
Maštabny zboj u troch biełaruskich bankach: z rachunkaŭ źnikajuć hrošy
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary