Šunievič z žonkaj nie vyjhrali prava na palavańnie na miadźviedzia. Konkurs pravodziła arhanizacyja Šunieviča
Tavarystva palaŭničych i rybałovaŭ vyznačyła siemiarych pieramožcaŭ z dapamohaj randoma.

Kiraŭnik Biełaruskaha tavarystva palaŭničych i rybałovaŭ Ihar Šunievič nie vyjhraŭ prava na palavańnie na miadźviedzia, jakoje razyhryvała jahonaja ž arhanizacyja.
Niadaŭna dziaržava ŭpieršyniu ŭ suvierennaj historyi Biełarusi dazvoliła papalavać na miadźviedziaŭ, pakolki kolkaść hetych čyrvonaknižnych źviaroŭ u apošni čas pavialičyłasia.
Tavarystva palaŭničych i rybałovaŭ praviało rozyhryš pravoŭ na palavańnie na miadźviedziaŭ. Udzielničać mahli tolki palaŭničyja z vopytam bolš za try hady. Zajaŭki padaŭ 161 čałaviek, siarod jakich byli i sam Šunievič, i jaho žonka Taćciana, jakaja taksama lubić palavańnie.

Konkurs praviali z dapamohaj randoma, pryčym sam praces zapisali na videa. Prava na palavańnie na miadźviedzia atrymali siem čałaviek. Šunievič i jahonaja žonka nie vyjhrali.
Pieramožcy zmohuć palavać tolki ŭ adzin ź dzion z 1 lipienia pa 31 śniežnia. Dziaržava dazvoliła adstrelić u hetym hodzie 20 miadźviedziaŭ.
Z kožnym ź pieramožcaŭ źviažacca pradstaŭnik arhanizacyi, kab uzhadnić dakładny čas i miesca palavańnia. Pieršaje palavańnie na miadźviedzia zapłanavana ŭžo na hetyja vychadnyja.
Zhodna z praviłami, kali palaŭničy zdabudzie miadźviedzia, jon bolš nie moža ŭdzielničać u palavańni na hetuju žyviolinu ŭ biahučym siezonie. Kali ž zdabyča nie ŭdałasia — čałaviek maje prava znoŭ padavacca na nastupnyja rozyhryšy.
Palavańnie dazvolena ŭ Bahušeŭskim, Biahomlskim, Viciebskim, Loźnienskim, Suražskim, Ušackim i Barysaŭskim vopytnym laśnictvach, dzie bolš za ŭsio miadźviedziaŭ.
Najbolš paśpiachovy ŭ katehoryi «aleń». Jakija palaŭničyja trafiei maje były ministr Šunievič i jaho žonka?
Na hetyja vychadnyja ŭpieršyniu za doŭhi čas u Biełarusi buduć palavać na miadźviedzia
U lesie pamiž Iviancom i Rakavam turysty sustreli ryś z rysianiatami VIDEA
Jeŭrapiejskaja kraina, dzie miadźviedzi svabodna błukajuć i jakaja zrabiła na ich turbiznes
U siami biełaruskich lashasach dazvolili palavańnie na miadźviedzia
Italjanski matacyklist zrabiŭ sełfi ź miedźviedzianiom. Paśla hetaha jaho naśmierć razarvaŭ darosły miadźviedź
Kamientary
łochotronłototron bieź vsiakich komiśsij i protokołov.