Tydzień u Biełarusi pačniecca z ekstremalnaj śpiakoty, navalnic i škvalistaha vietru. Pavodle infarmacyi partała pogoda.by, u paniadziełak, 7 lipienia, tempieratura pavietra ŭdzień moža dasiahać +35 °C, asabliva ŭ paŭdniovych rehijonach krainy.
Unačy nadvorje budzie adnosna spakojnaje — pieramiennaja vobłačnaść, biez apadkaŭ. Ale ŭdzień čakajucca karotkačasovyja daždžy i navalnicy na bolšaj častcy terytoryi. Miescami mahčymyja mocnyja liŭni i hrad.
Viecier — paŭdniovy i paŭdniova-zachodni, 4—9 m/s, z paryvami dniom da 14 m/s. Padčas navalnic — škvalistaje ŭzmacnieńnie da 15—20 m/s, a miescami navat da 21—24 m/s.
Tempieratura pavietra ŭnačy składzie ad +12 da +18 °C, na zachadzie — da +20 °C. Udzień budzie vielmi horača: +28…+34 °C, na poŭdni — da +35 °C.
Kamientary