U Biełarusi znoŭ praciahnuli zabaronu na ŭvoz i prodaž na terytoryi krainy kaśmietyki i parfumieryi ad hrupy kampanij Beiersdorf (brendy Nivea, Eucerin, Labello, Skin stories i inšyja).
Pra heta havorycca ŭ pastanovie ŭrada №782 ad 29 śniežnia 2025 hoda, jakaja źjaviłasia na Nacyjanalnym pravavym partale.
Abmiežavańni praciahnuli na dva hady — da 31 śniežnia 2027 hoda. Zabarona na ŭvoz nie tyčycca pradukcyi, jakuju ŭvoziać dla asabistaha karystańnia.
Nahadajem, što ŭpieršyniu zabaronu hetych tavaraŭ uviali viasnoj 2021 hoda — tady Saviet ministraŭ pryniaŭ pastanovu №240 ad 23 krasavika.
Pieršy zabarona ŭvozu ŭ krainu tavaraŭ hrup kampanij Liqui Moly, Škoda Auto i Beiersdorf, jakija admovilisia spansiravać admienieny ŭ Biełarusi čempijanat śvietu pa chakiei, była na paŭhoda, paśla čaho dziejańnie dakumienta niekalki razoŭ praciahvali. Ciapier pryniaty dakumient praciahvaje dziejańnie punktaŭ 2 i 4 hetaj pastanovy.
Kamientary