Z 1 studzienia padaražejuć mnohija marki cyharet i źjavicca ich novy vytvorca
Ministerstva padatkaŭ i zboraŭ apublikavała infarmacyju pra maksimalnyja roźničnyja ceny na cyharety ź filtram, jakija pačnuć dziejničać z 1 studzienia 2026 hoda.
U adpaviednaści ź infarmacyjaj padatkavikoŭ, u Biełarusi z 1 studzienia pavinna pavialičycca cana kala 110 marak cyharet: 69‑ci — vyrablenych tytuniovaj fabrykaj «Nioman», 25‑ci — vyrablenych TAA «Tytuń-Inviest» i 23 marak, jakija ŭvozić dziaržpradpryjemstva «Biełaruśhandal».
Padaražańnie składzie ad 10 kapiejek da 1,30 rubla.
Ceny na tytuniovyja vyraby, jakija vyrablajucca TAA «Inter Tabaka», TAA «Sientoni PRA», ZTAA «Alida-Viest» i ŭvoziacca TAA «Sientoni PRA», nie źmieniacca.
Akramia taho, jak vynikaje z apublikavanaj infarmacyi, u pieraliku biełaruskich vytvorcaŭ cyharet źjaviłasia novaja jurydyčnaja asoba — TAA «Eterna Prajm». Jana budzie vyrablać 41 marku cyharet: 11 — brenda Kent, 5 — brenda Rothmans, 11 — brenda Pall Mall, 7 — brenda Lucky Strike, 7 — brenda Dunhill.
Pa danych Adzinaha dziaržrejestra jurydyčnych asob i IP, kampanija «Eterna Prajm» zarehistravanaja ŭ sakaviku 2025 hoda Hrodzienskim abłvykankamam, miesca rehistracyi — horad Hrodna.
Adziny zasnavalnik TAA «Eterna Prajm» — hramadzianin Rasii Mikałaj Vadzimavič Viesiałoŭski. Jon unios u statutny kapitał 1000 biełaruskich rubloŭ. U jakaści dyrektara kampanii paznačany hramadzianin Biełarusi Siarhiej Alaksandravič Ražkoŭ.
Kamientary