Piaredadzień śviata — vydatny čas nie tolki dla apošnich pakupak, ale i dla płanavańnia navahodniaj nočy. Nie chočacca siadzieć doma paśla boju kurantaŭ, dajadajučy letašnija sałaty? Tady varta apranacca ciaplej (sinoptyki abiacajuć marazy) i prakładać maršrut, piša Onliner.by.
Tradycyjna śviatočnuju prahramu arhanizujuć kala Pałaca sportu: minčukoŭ zaprašajuć na «Čaroŭnuju navahodniuju noč». Śviata pačniecca 31 śniežnia a 23:45 i skončycca a 4 hadzinie ranicy ŭžo 1 studzienia. Adnak jechać u centr nieabaviazkova — mierapryjemstvy arhanizujuć va ŭsich rajonach stalicy.
Zavodski rajon
Navahodniaje načnoje hulańnie «Zavadski Novy hod!» adbudziecca adrazu na troch łakacyjach: kala «Čyžoŭka-Areny», pobač z basiejnam «Vołat» i Pałacam dziaciej i moładzi «Zołak». Pačatak mierapryjemstvaŭ — u 01:00.
Leninski rajon
Kancert «Niachaj śviata ŭsim padoryć cud!» pačniecca ŭ 01:00 i budzie doŭžycca dźvie hadziny. Łakacyi: placoŭki pierad kinateatram «Salut» i Minskim haradskim pałacam kultury.
Maskoŭski rajon
Prahrama «Pryvitańnie, Novy hod!» taksama startuje ŭ 01:00. Patancavać zaprašajuć u Brylevičach (vuł. Ja. Čačota, 25) i ŭ skviery «Palanka» (vuł. K. Libkniechta). Jašče adna śviatočnaja łakacyja — park imia Paŭłava, dzie minčukoŭ buduć čakać da 3 hadzin nočy.
Kastryčnicki rajon
Na płoščy kulturna-spartyŭnaha centra «Minskaje adździaleńnie BČ» z 01:00 da 03:00 projdzie prahrama «Zaprašajem u Novy hod».
U hety ž čas kala placoŭki la HC «Jeŭraopt Super» abiacajuć dyskateku «Navahodni karahod». Jašče adna łakacyja — mikrarajon «Sokał».
Partyzanski rajon
Praz paŭhadziny paśla nastupleńnia Novaha hoda minčukoŭ zaprašajuć u park ekstremalnych vidaŭ sportu. Tut śviata budzie doŭžycca da 3 hadzin nočy.
Pieršamajski rajon
Z 01:00 minčukoŭ zaprašajuć da Nacyjanalnaj biblijateki, a taksama na dyskateki na vuł. Rusijanava, 1, vuł. Fohiela, 1, i vuł. Hierojaŭ 120‑j dyvizii, 15.
Saviecki rajon
Rajonnaja śviatočnaja prahrama «U rytmie Novaha hoda» razhorniecca kala Kamaroŭki. Pačatak — u 01:00.
Frunzienski rajon
Śviaty arhanizujuć kala Ladovaha pałaca Minskaj vobłaści i ŭ parku Uha Čaviesa. Na abiedźviuch łakacyjach mierapryjemstvy startujuć u 00:30.
Centralny rajon
Sustreć 2026 hod zaprašajuć na placoŭcy kala Pałaca dziaciej i moładzi. Prahrama pačniecca ŭ 01:00 i praciahniecca da 02:30.
A što z transpartam?
Z 00:00 i da 5 ranicy dabracca da rajonnych hulańniaŭ i paśpieć viarnucca dadomu možna na hramadskim transparcie. Padrabiazny raskład naziemnych maršrutaŭ i intervały ruchu možna znajści pa spasyłcy.
Mietrapaliten u navahodniuju noč budzie prymać pasažyraŭ da 04:00. Stancyi «Niamiha», «Kastryčnickaja» i «Kupałaŭskaja» (vychad da praśpiekta Niezaležnaści) začyniacca na ŭvachod u 04:15. Intervał ruchu ciahnikoŭ z 00:00 da 04:00 1 studzienia 2026 hoda na 1‑j i 2‑j linijach mietro składzie 6 chvilin, na 3‑j linii — 8,5 chviliny.
Kamientary