Prezident Ukrainy Uładzimir Zialenski zajaviŭ, što vizit prezidenta ZŠA Donalda Trampa va Ukrainu byŭ by vielmi karysnym. Jon asabliva padkreśliŭ, što było b pažadana, kab Tramp prylacieŭ, niepasredna samalotam va Ukrainu, a nie pryjechaŭ, jak usie astatnija zamiežnyja hości, spačatku ŭ Polšču, i potym ad miažy ciahnikom.
Zialenski adznačyŭ, što pryjezd Trampa śviedčyŭ by pra mahčymaść raźličvać na spynieńnie ahniu i padtrymku amierykanskim bokam płana pa zakančeńni vajny.
Jon dadaŭ, što Ukraina hatovaja pryniać prezidenta ZŠA ŭ luby momant, kali buduć stvoranyja ŭsie mahčymaści i harantavanaja biaśpieka.
Sam Tramp 28 śniežnia zajaviŭ, što pakul nie płanuje pryjezdu va Ukrainu, ale nie vyklučaje takoj mahčymaści, kali heta dapamoža dasiahnieńniu miru.
Akramia taho, Zialenski prakamientavaŭ zajavu premjer-ministra Polščy Donalda Tuska pra toje, što ZŠA mohuć raźmiaścić svaje vojski va Ukrainie ŭ ramkach harantyj biaśpieki paśla dasiahnieńnia miru. Jon skazaŭ:
«Heta moža paćvierdzić, kali ščyra, prezident ZŠA. Heta vojski ZŠA, i tamu mienavita Amieryka prymaje takija rašeńni. Biezumoŭna, my heta prahavorvajem i z prezidentam Trampam, i z pradstaŭnikami kaalicyi achvotnych. My chacieli b hetaha. Heta mocnaja pazicyja była b u harantyjach biaśpieki».
Tusk: ZŠA hatovyja pasłać vojski na terytoryju Ukrainy
Eŭrapiejskija lidary praviali kansultacyi pa vynikach sustrečy Trampa i Zialenskaha
Zialenski pra mirnyja pieramovy: Ukraina nie moža prosta admovicca ad svaich terytoryj
Tramp «pazityŭna» pahavaryŭ z Pucinym
Zialenski: Ukraina choča atrymać ad ZŠA harantyi biaśpieki na 30—50 hadoŭ, Tramp abiacaŭ padumać
Kamientary