Zialenski: Ukraina choča atrymać ad ZŠA harantyi biaśpieki na 30—50 hadoŭ, Tramp abiacaŭ padumać
Prezident Ukrainy Uładzimir Zialenski zajaviŭ, što Kijeŭ zacikaŭleny ŭ doŭhaterminovych harantyjach biaśpieki z boku Złučanych Štataŭ — na 30, 40 abo navat 50 hadoŭ. Pra heta jon raskazaŭ padčas anłajn-razmovy z žurnalistami, viartajučysia z ZŠA ŭ Jeŭropu, paviedamlaje «Jeŭrapiejskaja praŭda».
Sa słoŭ Zialenskaha, napiaredadni na pieramovach z prezidentam ZŠA Donaldam Trampam było paćvierdžana, što Ukraina atrymaje mocnyja harantyi biaśpieki ad Vašynhtona. Adnak ciapier jany zamacavanyja ŭ dakumientach na 15 hadoŭ z mahčymaściu dalejšaha padaŭžeńnia.
Zialenski adznačyŭ, što padniaŭ hetaje pytańnie niepasredna pierad Trampam, padkreśliŭšy, što vajna va Ukrainie doŭžycca ŭžo amal 15 hadoŭ, tamu krainie patrebnyja značna bolš praciahłyja abaviazacielstvy ŭ śfiery biaśpieki.
Jon zajaviŭ, što Ukraina chacieła b razhledzieć varyjant harantyj terminam na 30—50 hadoŭ, što mahło b stać histaryčnym rašeńniem dla prezidenta ZŠA.
Sa słoŭ Zialenskaha, Donald Tramp adkazaŭ, što voźmie hetuju prapanovu na razhlad.
Taksama paviedamlajecca, što prezident Francyi Emanuel Makron anansavaŭ sustreču krain tak zvanaj «kaalicyi achvotnych», jakaja pavinna adbycca ŭ pačatku studzienia ŭ Paryžy. Na joj płanujuć kančatkova ŭzhadnić uniosak kožnaj dziaržavy ŭ sistemu harantyj biaśpieki dla Ukrainy.
28 śniežnia Zialenski i Tramp praviali sustreču ŭ Fłarydzie, dzie abmiarkoŭvali mirnyja inicyjatyvy. Pry hetym Tramp adrazu zajaviŭ, što paśla razmovy z ukrainskim lidaram płanuje patelefanavać Uładzimiru Pucinu.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary