Pytańnie admieny roŭminhu pamiž Biełaruśsiu i Rasijaj tak dahetul i nie vyrašana
Pytańnie poŭnaj admieny roŭminhu pamiž Biełaruśsiu i Rasijaj da hetaha času zastajecca niavyrašanym. Pra heta ŭ intervju paviedamiŭ dziaržaŭny sakratar «Sajuznaj dziaržavy» Siarhiej Hłaźjeŭ.
Pa słovach Siarhieja Hłaźjeva, zadača akazałasia bolš składanaj, čym mierkavałasia spačatku, tamu baki pajšli nie šlacham farmalnaj admieny roŭminhu, a šlacham pašyreńnia lhotnych taryfnych pakietaŭ.
Jak adznačyŭ Hłaźjeŭ, ciapier abjomy pasłuh i terminy dziejańnia takich pakietaŭ pavialičanyja, kab ludzi, asabliva tyja, chto znachodzicca ŭ susiedniaj krainie karotki čas, praktyčna nie adčuvali pierasiačeńnia miažy i mahli karystacca zvykłymi taryfami. Choć jurydyčna roŭminh i nie skasavany, bazavyja pasłuhi suviazi dla bolšaści abanientaŭ pracujuć na zvyčajnych umovach.
Razam z tym zastajecca niavyrašanym šerah techničnych pytańniaŭ, u tym liku dostup da internetu i vykarystańnie asobnych dadatkovych pasłuh. Asablivyja ciažkaści vyklikaje pracedura identyfikacyi karystalnikaŭ. Płanujecca intehracyja z rasijskim partałam «Dziaržpasłuhi», kab hramadzianie Biełarusi mahli prachodzić identyfikacyju dystancyjna, znachodziačysia na terytoryi svajoj krainy. Akramia taho, biełarusam spraścili takuju praceduru ŭ bujnych haradach Rasii, pierš za ŭsio ŭ Maskvie i Sankt-Pieciarburhu.
Prablemu ŭskładniaje i tak zvany režym astudžeńnia, kali pry ŭjeździe ŭ Rasiju na sutki adklučajecca mabilny internet. Baki damovilisia, što hramadzianie Biełarusi zmohuć prachodzić identyfikacyju takim ža prostym sposabam, jak i rasijanie, niepasredna praz telefon.
Choć admienu roŭminhu pamiž dźviuma krainami abiacajuć užo niekalki hadoŭ i raniej zajaŭlałasia, što ŭsie pytańni buduć vyrašanyja da kanca hoda, kančatkovaha rašeńnia hetaj prablemy, jak vyhladaje, pakul tak i niama.
Biełarus sieŭ u samalot i adklučyŭ roŭminh — śpisałasia 177 rubloŭ
Dla biełarusaŭ u roŭminhu ŭ Rasii chutka skasujuć «pieryjad astudžeńnia»
«Admienim roŭminh, kazali jany. U vyniku admianili internet». Biełarusy raskazali, što ŭ Rasii nie pracuje roŭminh ni A1, ni MTS
Dziaŭčyna damahłasia, kab mabilny apieratar źmienšyŭ joj rachunak za pasłuhi ŭ 10 razoŭ
Ciapier čytajuć
Ajcišnik Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY2
Ajcišnik Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary