MZS Polščy: Siarod pamiłavanych siońnia Łukašenkam — palakaŭ niama
30 śniežnia stała viadoma, što Alaksandr Łukašenka padpisaŭ ukaz ab pamiłavańni ŭ Biełarusi jašče 22 źniavolenych. Imiony ich, jak zvyčajna ŭ takich vypadkach, nie nazyvajucca, ale ŭ Polščy ŭžo viedajuć, što palakaŭ siarod hetych ludziej niama, piša Polskaje radyjo.
Jak paviedamiŭ pradstaŭnik Ministerstva zamiežnych spraŭ Polščy, siarod vyzvalenych niama ni polskich hramadzian, ni asob polskaha pachodžańnia.
Viadoma, što ŭ śpis pamiłavanych uvajšli 15 žančyn i 7 mužčyn. 20 čałaviek z 22‑ch byli asudžanyja pa tak zvanych ekstremisckich artykułach. Usie jany, jak paviedamlajecca, źviarnulisia da Łukašenki z prośbaj ab pamiłavańni, pryznaŭšy vinu i vykazaŭšy raskajańnie. Paviedamlajecca, što 11 pamiłavanych majuć niepaŭnaletnich dziaciej.
Kamientary
Mur pabudavany , jaho košt 12 młn złotych .
Miny dzie - niedzie lažać kala bałotaú .
Vožyki supraćtankavyja pryvieźli .
Chunta ahučyła im canu za A.P. - 50 młn dalaraú .
Paškadavali .