Siarod «ekstremistaŭ», jakich Łukašenka pamiłavaŭ pad Novy hod, jość i chatnija chimiki
Takich ludziej pa aznačeńni niama ŭ śpisie palitviaźniaŭ, bo jany i tak žyvuć doma.
30 śniežnia 2025 hoda Alaksandr Łukašenka pamiłavaŭ 20 čałaviek, «asudžanych za złačynstvy ekstremisckaj nakiravanaści». Imiony hetych palitviaźniaŭ tradycyjna nie nazyvajucca.
Ale ci skarocicca kolkaść palitviaźniaŭ aŭtamatyčna na 20 čałaviek? Nie.
«Našaj Nivie» stała viadoma pra adnu z pamiłavanych. Heta žančyna, jakaja znachodzicca na chatniaj chimii. Pryčym jaje termin pavinien byŭ i tak skončycca ŭ najbližejšy čas.
Pa mietadałohii pravaabaroncaŭ u lik palitviaźniaŭ nie ŭklučajucca tyja, chto znachodziacca na chatniaj chimii. Tak, jany taksama achviary palityčnaha pieraśledu, ale ich nieadkładnaje vyzvaleńnie z-pad varty nie patrabujecca, bo ludzi i tak znachodziacca doma.
U lik «1300 palitviaźniaŭ», pra jakich pisaŭ Donald Tramp (pa padlikach «Viasny», zaraz u źniavoleńni znachodzicca 1131 palitviazień) chatnija chimiki nie ŭvachodziać.
Tym nie mienš Alaksandr Łukašenka dałučaje ich u śpisy pamiłavanych, demanstrujučy «akty humanizmu», ale nie źmianšajučy realnuju kolkaść palitviaźniaŭ.
«Naša Niva» — bastyjon biełaruščyny
PADTRYMAĆ
Biełarusy horača spračajucca, ci varta pryviazvać dapamohu na dzicia da zarobku maci51
Biełarusy horača spračajucca, ci varta pryviazvać dapamohu na dzicia da zarobku maci
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1313
Kamientary