U Biełarusi pačała pracavać novaja sistema imhniennych płaciažoŭ
U Biełarusi pačała pracavać novaja sistema imhniennych płaciažoŭ pa QR-kodzie, jakuju Nacyjanalny bank zapuściŭ u testavym režymie. Pakul što jana aprabujecca ŭ miežach piłotnaha prajekta: u im udzielničajuć try banki, a płaciažy prymajucca ŭ dźviuch bujnych kramach, piša sb.by.
Apłata tavaraŭ adbyvajecca z dapamohaj sistemy imhniennych płaciažoŭ Nacbanka i servisu «Krok».
Jak adznačyli ŭ Nacbanku, novy servis «Krok» stvorany na asnovie najaŭnaj infrastruktury imhniennych płaciažoŭ i płaciežnaj sistemy ARIP. Asnoŭnaja asablivaść u tym, što pry raźlikach nie vykarystoŭvajucca bankaŭskija kartki — hrošy pieraličvajucca niepasredna z rachunka płacielščyka na rachunak jurydyčnaj asoby ŭ režymie realnaha času. Sistema pracuje kruhłasutačna, biez vychadnych.
Pradstaŭniki bankaŭ padkreślivajuć, što ŭsie apieracyi adbyvajucca anłajn, a vyručka adrazu pastupaje na raźlikovy rachunak. Dla apłaty dastatkova mieć mabilny dadatak i adkryty biahučy rachunak. Kali jaho niama, sistema dazvalaje chutka adkryć rachunak i papoŭnić jaho — jak z kartki, tak i praz płaciežnuju infrastrukturu.
Čakajecca, što ŭ lutym 2026 hoda Nacbank zaćvierdzić praviły pracy sistemy «Krok». Da 1 lipienia da jaje pavinny buduć dałučycca ŭsie sistemna značnyja banki pieršaj hrupy, a da kanca hoda ŭdzieł u prajekcie voźmuć usie banki krainy.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary