Biełaviežskaja pušča raspačynaje baraćbu ź invaziŭnymi vidami raślin, u tym liku z čyrvonymi dubami. U 2026 hodzie płanujuć pravieści ekśpierymient, jaki budzie ŭklučać miechaničnyja i chimičnyja mietady źniščeńnia hetych dreŭ. Najbolš radykalnym sposabam ličać vysiakańnie čyrvonych duboŭ.
Čyrvony dub trapiŭ u Biełaruś z Paŭnočnaj Amieryki ŭ kancy XIX stahodździa dla pałacavaha parku ŭ Biełaviežy. Jahonaja niebiaśpieka ŭ tym, što heta raślina chutka raście, daje šmat nasieńnia i ŭstojlivaja da miascovych škodnikaŭ. U vyniku čyrvony dub zamiaščaje saboj miascovyja vidy duboŭ i inšyja liścievyja drevy.
Akramia čyrvonaha duba, da invaziŭnych vidaŭ, ź jakimi ŭ Biełaviežskaj puščy majuć namier zmahacca, adnieśli taksama klon jasienialisty, rabiniju psieŭdaakacyju i sumnik kanadski.
Invaziŭnyja raśliny pahražajuć miascovaj fłory, bo vyciaśniajuć abaryhiennyja vidy i parušajuć naturalnyja ekasistemy. Naprykład, sumnik kanadski chutka ŭtvaraje hustyja zaraśniki, jakija pryhniatajuć inšyja raśliny. Klon jasienialisny vydzialaje rečyvy, atrutnyja dla inšych vidaŭ, a rabinija źmianiaje skład hleby, nasyčajučy jaje azotam, što škodzić miascovym raślinam, prystasavanym da biednych hleb.
Na subotniku ŭ Minsku Łukašenka sadžaŭ drevy, škodnyja dla biełaruskaj pryrody
«Štrafy «fizikam», a sielsaviety — «heta druhoje». Ludzi aburylisia, što dziažpradpryjemstvy nie štrafujuć za pustazielle
«Jašče b barščeŭnik dadała». Dziaŭčyna sabrała dziciaci na liniejku ŭ škołu bukiet palavych kvietak i narvałasia na chejt
U Biełarusi ŭzmocniać pakarańnie za niapravilna vykinutaje śmiećcie i niaskošany barščeŭnik
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach5
Kamientary