«Jak tam našy praciŭniki, sapierniki i vorahi?» Pierad navahodnim zvarotam Łukašenka demanstratyŭna pazvaniŭ Chreninu
Pierad samym Novym hodam sa svaim tradycyjnym štohadovym zvarotam da biełarusaŭ vystupiŭ Alaksandr Łukašenka. A pierad zvarotam u efiry BT była razyhranaja śpiecyjalnaja scenka.
Prapahandysty pakazali, što nibyta pierad tym, jak iści vystupać u studyju — viadoma, što zvarot zapisvajecca zahadzia, — Łukašenka nabiraje pa ŭradavaj suviazi numar ministra abarony Viktara Chrenina i pytajecca ŭ jaho:
«Nu, jak ty žyvieš tam? Jak tam našy praciŭniki, supierniki i, nie daj boh, vorahi? Nu, ty ž razumieješ, u kahości śviata, chtości adznačaje, a nam z taboj nie da śviataŭ. Treba ŭsio bačyć, što adbyvajecca».
Paśla hetaha, pieradaŭšy praz Chrenina pryvitańnie «ŭsim ludziam u pahonach», Łukašenka nibyta pajšoŭ rabić svoj zvarot.
U samim zvarocie ničoha aryhinalnaha jon nie skazaŭ. Jak zvyčajna ŭ padobnych zvarotach, Łukašenka havaryŭ pra mirnuju i biaśpiečnuju budučyniu dla ŭsich krain i narodaŭ i kazaŭ dziakuj «vielizarnaj biełaruskaj siamji», pačynajučy ad «našych pracaŭnikoŭ, jakija padaryli krainie rekordny ŭradžaj» i «ludziej u pahonach, na plačach jakich trymajecca naš mir».
Zvyčajnaj była taksama i apielacyja da składanaj mižnarodnaj situacyi:
«Nas sprabavali prymusić žyć pa čužych zakonach, dzialić na «pravilnych» i «niapravilnych», praviarać na tryvałaść ekanamičnymi burami i palityčnym naciskam, nie razumiejučy taho, što ŭ Biełarusi jość toje, što nielha ŭ jaje adabrać. Heta naša zvyčka trymacca razam, našaj biełaruskaj tałakoj».
Apanienty, maŭlaŭ,
«nijak nie zrazumiejuć, što my pryvykli stvarać, a nie łamać. Abjadnoŭvać, a nie raspalvać. Razmaŭlać, a nie kryčać. I heta nie słabaść — heta naša siła, adtul, ad prodkaŭ».
Biełarusam jon paraiŭ nastupnaje:
«Pierad tym jak padniać bakały, prašu vas, dzie b vy ni byli — u Brasłavie ci Łojevie, u Chocimsku ci Małarycie, — padumajcie: «Što ja zrablu ŭ novym hodzie dla svajoj Biełarusi?» Dajcie ŭsiaho adno abiacańnie i, paviercie, kraina źmienicca. Jakaść našaha žyćcia vyraście».
Paśla taho jon nahavaryŭ šmat kamplimientaŭ žančynam, zajaviŭšy, što «bieź lubovi da žančyny, dziaŭčyny sapraŭdnaj lubovi być nie moža», i ŭrešcie pryjšoŭ da taho, što «nadyšoŭ čas addać naležnaje ich asablivaj roli ŭ našym žyćci i abjavić 2026 hod Hodam biełaruskaj žančyny».
«Majo słova hoda — nadzieja». Śviatłana Cichanoŭskaja pavinšavała biełarusaŭ razam z Kaleśnikavaj, Sieviaryncam i Łatuškam
Cichanoŭski ŭ navahodnim zvarocie zaklikaŭ da «finlandyzacyi», daravańnia tym, «kaho paputaŭ bies», i pavahi da Trampa
Što pahladzieć u navahodniuju noč? Alternatyŭnaja prahrama pieradač na YouTube
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec24
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary