Strašny pažar na raskošnym alpijskim kurorcie: dziasiatki ludziej zahinuli ŭ padvalnaj kaviarni ad vybuchu piratechniki
Jak paviedamiła šviejcarskaja palicyja, minułaj nočču na harnałyžnym kurorcie Kran-Mantana prahrymieŭ vybuch.

Pavodle źviestak šviejcarskaha vydańnia Blick, kala 1:30 padčas śviatkavańnia Novaha hoda ŭ bary La Constellation uspychnuŭ pažar.
Ustanova mieścicca ŭ sutarennym pamiaškańni. Pryčynaj pažaru mahła stać piratechnika kancerta. Pra heta niekalki čałaviek paviedamili taksama miascovaj radyjostancyi RhoneFM.
Dakładnaja kolkaść achviar ciapier nieviadomaja. Adnak jana aceńvajecca jak vielmi vysokaja. Pavodle źviestak RhoneFM, mahli zahinuć niekalki dziasiatkaŭ čałaviek.
Inšyja ŚMI pišuć pra jak najmienš 40 achviar.
«U budynku znachodziłasia bolš za sto čałaviek, i my bačym šmat paranienych i šmat zahinułych».
Kran-Mantana — heta fiešenebielny kurort u kantonie Vale. U śviatočnyja dni jon zvyčajna całkam zapoŭnieny: na prykładna 10 000 žycharoŭ tut kala 2600 hatelnych miescaŭ.
Kamientary
[Zredahavana]