Jon vykazaŭ spačuvańni Azierbajdžanu ŭ suviazi z zabojstvam na terytoryi Rasii bratoŭ Safaravych.
Prezident Ukrainy Uładzimir Zialenski padtrymaŭ Azierbajdžan u kanflikcie z Rasijaj, piša Bi-bi-si — Ukraina.
«Pravioŭ razmovu z prezidentam Azierbajdžana Ilchamam Alijevym. Padziakavaŭ jamu za padtrymku Ukrainy, našaha naroda i našaj terytaryjalnaj cełasnaści. Taksama vykazaŭ vyraznuju padtrymku z boku Ukrainy ŭ situacyi, kali Rasija ździekujecca z hramadzian Azierbajdžana i pahražaje Azierbajdžanskaj Respublicy», — napisaŭ Zialenski.
Jon vykazaŭ spačuvańni Azierbajdžanu «ŭ suviazi z zabojstvam na terytoryi Rasii bratoŭ Safaravych. Upeŭnieny, što buduć vyśvietlenyja ŭsie fakty. I patrebna spraviadlivaść».
Raniej hienprakuratura Azierbajdžana zaviała kryminalnuju spravu pa fakcie naŭmysnaha zabojstva dvuch hramadzian krainy supracoŭnikami pravaachoŭnych orhanaŭ Rasii.
Azierbajdžanskaja ekśpiertyza pakazała, što braty Zijadzin i Husiejn Safaravy pamierli ad posttraŭmatyčnaha šoku paśla atrymanych cialesnych paškodžańniaŭ. Pavodle viersii rasijskaha Śledčaha kamiteta, adzin z zatrymanych pamior z pryčyny sardečnaj niedastatkovaści.
U Azierbajdžanie admianili rasijskija kulturnyja mierapryjemstvy, u ofisie rasijskaha ahienctva «spadarožnik» u Baku aryštavali, jak śćviardžajecca, dvuch ahientaŭ FSB. Taksama 1 lipienia sud adpraviŭ u SIZA na čatyry miesiacy dvuch kiraŭnikoŭ rasijskaha ahienctva: kiraŭnika Ihara Kartavych i šef-redaktara Jaŭhiena Biełavusava.
Hibiel dvuch čałaviek i paviedamleńni ab masavym charaktary zatrymańniaŭ u Jekaciarynburhu pryviali da čarhovaha abvastreńnia adnosin pamiž Baku i Maskvoj. Baku vielmi žorstka reahuje na padziei i nie nastrojeny prosta tak prajści mima hibieli svaich hramadzian.
U Azierbajdžanie pakazali, jak vyhladajuć zatrymanyja rasijanie. Jany mocna źbityja FOTY
U Jekaciarynburhu pakazalna žorstka zatrymali kiraŭnika miascovaj azierbajdžanskaj dyjaspary VIDEA
Azierbajdžanskija ŚMI paviedamili pra zatrymańnie ŭ Baku dźviuch AZH, što składalisia z rasijanaŭ
U Azierbajdžanie zrabili ekśpiertyzu śmierci bratoŭ, jakija zahinuli ŭ Jekaciarynburhu pry zatrymańni
Čamu znoŭ sapsavalisia adnosiny pamiž Rasijaj i Azierbajdžanam. Źjaŭlajucca detali spravy
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary