«Heta — čysty teraryzm», — adreahavaŭ Uładzimir Zialenski.
«Pakul dakładna viadoma pra 99 paciarpiełych u vyniku rasijskaj ataki na Kijeŭ. 59 — špitalizavanyja. Paralelna pastupaje infarmacyja pra toje, što ŭžo zafiksavana 104 paciarpiełych. Praviarajem», — napisaŭ u telehramie kiraŭnik Kijeŭskaj haradskoj vajennaj administracyi Cimur Tkačenka.
Praciahvajucca vyratavalnyja raboty i razbor zavałaŭ, u tym liku ŭ Sałamianskim rajonie, dzie abrynuŭsia padjezd šmatpaviarchovaha žyłoha doma, paviedamiŭ Tkačenka.
Kolkaść zahinułych zastałasia raniejšaj — 14.
Uładzimir Zialenski padkreśliŭ, što takija ataki — «čystaj vady teraryzm», i ŭvieś śviet, ZŠA dy Jeŭropa narešcie pavinny adreahavać tak, jak reahujuć na terarystaŭ.
«Pucin robić heta vyklučna tamu, što moža sabie dazvolić praciahvać vajnu. Jon choča vajny i dalej. Drenna, kali mocnyja hetaha śvietu zapluščvajuć na heta vočy. Kantaktujem z usimi partniorami na ŭsich mahčymych uzroŭniach, kab była naležnaja adkaznaść. Heta terarysty pavinny adčuvać bol, a nie narmalnyja, mirnyja ludzi», — napisaŭ prezident Ukrainy.
Kamientary