Pjany vaśmikłaśnik u Homieli ŭ handlovym centry biŭ nahami supracoŭnikaŭ milicyi
U Homieli sudziać vaśmikłaśnika za źbićcio minakoŭ i supraciŭ milicyi.
Incydent adbyŭsia ŭ bujnym handlovym centry Navabielicy. Kampanija z troch niećviarozych školnikaŭ pryjšła bavić čas u zonie fudkortu. Adzin ź ich zasnuŭ prosta za stolikam, druhi pajšoŭ dadomu, a treci ŭviazaŭsia ŭ bojku z dvuma vypadkovymi minakami. Kryki razbudzili zasnułaha vaśmikłaśnika, i jon dałučyŭsia da bojki, piša «Biełka».
Administratary handlovaha centra nacisnuli tryvožnuju knopku. Hrupa zatrymańnia atrymała ad paciarpiełych prykmiety złamyśnikaŭ i chutka znajšła ich na parkoŭcy. Pry zatrymańni pjany padletak supraciŭlaŭsia, biŭ milicyjanieraŭ nahami i sprabavaŭ užyć barcoŭski pryjom. Jaho ŭsio ž dastavili ŭ adździeł bieź źbićcia.
«Abvinavačanaha nielha nazvać paśpiachovym padletkam. Za miesiac da apisanych padziej jon machlarskim sposabam vykarystaŭ čužuju bankaŭskuju kartku dla pakupak u internecie. Sud, viadoma, uličyć i hetuju spravu. Što da epizodu z supracivam milicyi, to ekśpierty pryjšli da vysnovy, što małady čałaviek uśviedamlaŭ svaje dziejańni i moh imi kiravać. 16-hadovamu homielcu pahražaje da 7 hadoŭ pazbaŭleńnia voli abo abmiežavańnie voli da 3 hadoŭ biez nakiravańnia ŭ papraŭčuju ŭstanovu adkrytaha typu», — raspavioŭ «Biełcy» namieśnik prakurora Homiela Pavieł Čyrykaŭ.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary
Takija "naviny" abaviazkova treba padavać pad papieradžalnym zapisam "pavodle viersii milicyi".
I v čiom on nieprav?
On prosto kopirovał diejstvija milicii.