U kafe ŭ minskim mikrarajonie Paŭdniovy Zachad na pracu pryniali aficyjanta niestandartnaha źniešniaha vyhladu.
Nie, jaho adroźnivaje nie jaskravaja pryčoska abo pravakacyjny styl adzieńnia. Siarod inšych aficyjantaŭ jaho vyłučaje prykładna ŭsio: Oli — robat, piša Onliner.by.
Znajšoŭ sabie pracu Oli ŭ kafe «Adesa-mama» ŭ HC «Tytan». Firmiennamu marskomu stylu daviałosia adpaviadać: pafarbavany robat u bieła-sinija kolery. A jašče ŭ Oli vielizarnyja vočy, u jakich raźmieščany kamiery. Jany vyznačajuć pieraškody na šlachu i raźmiaščeńnie stałoŭ. Prymać rašeńni dapamahaje štučny intelekt.
Oli moža pryvieźci mieniu, dastavić stravy z kuchni i zabrać posud — pastavić jaho na stojku daviadziecca samastojna. Dla hetaha ŭnutry ŭ robata jość try palicy dla talerak. Kožnaja palica moža vytrymać da 10 kiłahramaŭ. Pavodzić siabie robat strymana, tavaryskaściu nie vyłučajecca, ale zatoje i na čajavyja nie raźličvaje.
Uziali na pracu Oli na poŭnuju staŭku. Ale kali jon nie budzie spraŭlacca — na dapamohu pryjduć zvyčajnyja aficyjanty.
«My nie stavili pierad saboj metu zekanomić na aficyjantach. Nam kudy važniej stvaryć ludziam dobry nastroj. Tym bolš što robat jašče vučycca i ŭdaskanalvaje svaje navyki. Ale prahres nie spynić, inavacyi atrymlivajuć raspaŭsiudžańnie i ŭ hramadskim charčavańni», — adznačyli ŭ HC «Tytan».
Heta nie pieršy robat, jaki atrymaŭ pracu ŭ Minsku. Dva hady tamu raskazvałasia pra robata-kata, jaki absłuhoŭvaŭ naviedvalnikaŭ u restaranie «Chinkalnia» ŭ Łošycy.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m67
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1212
Kamientary