Mužčyna pakazaŭ u internecie školny abied. Hramadskaść aburyłasia
U internecie ŭžo niekalki dzion abmiarkoŭvajuć fota školnaha abiedu, zroblenaje nibyta ŭ adnoj ź minskich škoł. Adnak aŭtar zdymka — darosły mužčyna, jaki nie źjaŭlajecca ni vučniem, ni rabotnikam hetaj ustanovy, i heta vyklikała nie vielmi stanoŭčuju reakcyju, pišuć «Minsk-Naviny».
Mužčyna vykłaŭ fota, kab pakazać, kolki kaštuje školny abied: za kašu ź miasam, kampot, sałatu i desiert jon zapłaciŭ 6,57 rubla. Ale karystalniki sietki pačali zadavać jamu pytańni nie pra canu, a pra toje, jak jon naohuł trapiŭ u škołu, dzie dziejničaje prapuskny režym.
Mužčyna raskazaŭ, što zajšoŭ u škołu razam z kaleham i paprasiŭsia zajści ŭ stałoŭku ŭ dziažurnaha. Kali jany ŭžo abiedali, ich spytali, chto jany takija, i paprasili bolš nie prychodzić u čas pierapynku.
Niekatoryja mierkavali, što fota moža być fejkavym, bo navučalny hod skončyŭsia, i stałoŭki, maŭlaŭ, užo nie pracujuć. Ale ŭ kamitecie pa adukacyi Minharvykankama nie vyklučyli, što zdymak sapraŭdny.
Jany patłumačyli, što ŭ letni čas charčavańnie ŭ škołach arhanizujecca nie tolki dla vučniaŭ i nastaŭnikaŭ, ale i dla rabotnikaŭ, što vykonvajuć ramontnyja raboty. Adnak padkreślili, što dla zvyčajnych ludziej volny dostup u školnyja stałoŭki zakryty — u škołach dziejničaje prapuskny režym, i achovu zabiaśpiečvaje MUS.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ7
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary