Łatvija razvaročvaje pasažyrskija aŭtobusy i viartaje ich u Biełaruś. Voś u čym pryčyna
Dniami ŭ pryhraničnych čatach źjaviłasia infarmacyja pra toje, jak łatvijskija mytniki nie puścili ŭ krainu dva aŭtobusy zapar, jakija jechali ź Biełarusi.
Padarožniki, jakija dniami jechali turystyčnym aŭtobusam ź Biełarusi ŭ Ispaniju praź biełaruska-łatvijskuju miažu, raskazali ŭ admysłovym čacie, jak paśla pravierki kolkaści paliva ŭ aŭtobusach łatvijskaja mytnia viartała aŭtobusy z pasažyrami ŭ Biełaruś.
«Łatvijcy nas vysadzili z aŭtobusa, i jaho pahnali na renthien — praviarać, kolki paliva. Pierad nami adzin aŭtobus łatvijcy raźviarnuli nazad: pierabor paliva, pajechali ŭ RB źlivać. My čakajem u zale», — pačynaje apovied padarožnik.
U aŭtobusie, na jakim jon jechaŭ, taksama byŭ pierabor paliva. Lišnimi akazalisia 20 litraŭ, z-za čaho aŭtobus, jaki nakiroŭvaŭsia ŭ Ispaniju, nie prapuścili ŭ Łatviju. Kiroŭca aŭtobusa tłumačyŭ, što pa pryborach niemahčyma vyznačyć dakładnuju kolkaść paliva, tamu jon nibyta nie moh viedać, što ŭ baku budzie na 20 litraŭ bolš, čym treba.
Praŭda, aŭtar paviedamleńnia miarkuje, što lišnich litraŭ mahło być bolej za 20.
Dla daviedki: abjom paliŭnaha baka ŭ turystyčnym aŭtobusie składaje kala 500 litraŭ, tamu 20 litraŭ pry takim abjomie — heta sapraŭdy vielmi mała, kab pa prybory možna było z dakładnaściu vyznačyć, kolki ŭ baku litraŭ.
I tut reč u tym, što z 1 studzienia 2025 hoda Łatvija ŭviała abmiežavańni na maksimalny abjom paliva — 200 litraŭ, niezaležna ad taho, jaki abjom baka ŭ transpartnym srodku.
U vyniku, praz toje, što aŭtobusu daviałosia viartacca ŭ Biełaruś i źlivać liški paliva, na pierasiačeńnie biełaruska-łatvijskaj miažy syšło kala 30 hadzin.
Admietna, što padčas druhoj sproby pierasiekčy miažu łatvijskaja mytnia praviarała abjom paliva, abapirajučysia tolki na pakazańni prybornaj paneli aŭtobusa.
Ciapier čytajuć
U centry Minska tajamniča źnikła dačka dyrektara bujnoha ahrakompleksu5
Kamientary
Vot by i polaki tak sdiełali, osobienno dla "bienzovozov" i "ždunov"..... 10 litrov , nie boleje, dalšie zapravka v tieriespole po jevropiejskim cienam.... OČIERIEDIEJ NA HRANICIE NIE BUDIET, PROCHOŽDIENIJE 2 ČASA..... A "BIENZOVOZOV" s kotiedžami na briestołhaz rabočimi.