15‑hadovy padletak u Pinskim rajonie prapaŭ try dni tamu, jaho šukaje bolš za 100 čałaviek
Padletak 23 studzienia kala 21.00 pajšoŭ z domu ŭ ahraharadku Parachonsk. Da hetaha času nieviadoma, dzie jon znachodzicca.
«U apieracyi zadziejničana vialikaja kolkaść supracoŭnikaŭ milicyi z usioj Bresckaj vobłaści, MNS, supracoŭniki pamiežnaj słužby, vałanciory, a taksama miascovaje nasielnictva. Vykarystoŭvajecca śpiecyjalnaja technika, drony, kvadracykły. Adpracoŭvajucca roznyja viersii», — raspaviali va UUS Bresckaha abłvykankama. Junaka šukajuć bolš za 100 čałaviek.
Na vyhlad Bahdanu Junčyku 15 hadoŭ, jon chudarlavaha ciełaskładu, rost — 160—165 sm, maje karotkija čornyja vałasy. Byŭ apranuty ŭ džynsy šeraha koleru, kurtku koleru chaki, šeruju viazanuju šapku, na nahach — čornyja biercy.
U milicyi prosiać pry najaŭnaści infarmacyi paviedamić pa telefonach +375 44 769 18 08, +375 44 711 68 85 abo 102.
Kamientary