Lidarka litoŭskich libierałaŭ: Pierajezd Cichanoŭskaj u Polšču — strata dla Litvy
«Kali Śviatłana Cichanoŭskaja byvała ŭ roznych stalicach, jana zaŭsiody vykazvała ŭdziačnaść Litvie i padkreślivała značeńnie Litvy jak klučavoha partniora ŭ baraćbie za demakratyju».
Lidarka Ruchu libierałaŭ Viktoryja Čmilicie-Nilsien zajaviła, što rašeńnie Śviatłany Cichanoŭskaj pierajechać u Polšču źjaŭlajecca značnaj strataj dla Litvy. Palityk padkreśliła, što adkaznaść za heta lažyć na kiraŭnicy ŭrada Inzie Ruhinienie, pakolki, na dumku libierałaŭ, mienavita ŭśviadomlenaje rašeńnie premjer-ministra źnizić uzrovień achovy Cichanoŭskaj pryviało da hetaha kroku.
«Ja liču, što heta strata. I ŭ mianie jość padstavy tak dumać. Śviatłana Cichanoŭskaja, mahčyma, była nie tak zaŭvažnaja ŭ samoj Litvie, jak ad jaje čakali, ale jana była i, ja nie sumniavajusia, zastajecca važnym ambasadaram biełaruskaj apazicyi i hramadzianskaj supolnaści Biełarusi va ŭsim śviecie. Heta palityk i lidar, jakoha prymajuć kiraŭniki ŭsich najbujniejšych i mienšych dziaržaŭ — sajuźnikaŭ Litvy», — skazała Čmilicie-Nilsien, pieradaje LRT.
«Kali Śviatłana Cichanoŭskaja byvała ŭ roznych stalicach i havaryła pra svaju krainu, (…) jana zaŭsiody vykazvała ŭdziačnaść Litvie i padkreślivała značeńnie Litvy jak klučavoha partniora ŭ baraćbie za demakratyju», — adznačyła jana.
Palityk miarkuje, što adkaznaść za hetaje rašeńnie Cichanoŭskaj niasie ciapierašni ŭrad i jaho kiraŭnica Inhie Ruhinienie.
«Heta było sapraŭdy ŭśviadomlenaja pastanova — źnizić uzrovień achovy, pasłać sihnał režymu Alaksandra Łukašenki (…) pra toje, što my nie cenim hetaha i što nam było b zručniej, kab jana źjechała. Na moj pohlad, heta strata dla nas, kali kazać vyklučna pra našy intaresy. I, na žal, u kantekście mižnarodnaj palityki Litva ŭsio bolš pieratvarajecca ŭ pravincyju i stračvaje važnyja ryčahi», — zajaviła Čmilicie-Nilsien.
Premjerka Inha Ruhinienie raniej adznačyła, što nie bačyć u hetym pierajeździe «ni vyhady, ni straty».
Litva vyrašyła skaracić fizičnuju achovu Śviatłany Cichanoŭskaj vosieńniu 2025 hoda. Jaje achova była pieradadziena ad Słužby biaśpieki kiraŭnictva dziaržavy Biuro kryminalnaj palicyi.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary
Ciapier budzie vykazvać padziaki Polščy i pra Letuvu ŭsie zabuducca? U hetym prablema?
Tamu što, miarkuju, samazadavolenaja i abmiežavanaja, a, značyć, sama nievyhadnaja dla krainy.