Premjer Litvy pra pierajezd Cichanoŭskaj u Polšču: Nie baču ni vyhady, ni straty
«Heta jaje asabistaja sprava — vyrašać, što jana vybiare», — skazała Inha Ruhinienie.
Premjer-ministr Litvy Inha Ruhinienie zajaviła, što nie bačyć ni vyhady, ni straty, kali lidar biełaruskaj apazicyi Śviatłana Cichanoŭskaja pierajedzie ź Vilni ŭ Varšavu, piša Delfi.lt.
«Heta jaje asabistaja sprava — vyrašać, što jana vybiare», — skazała kiraŭnik urada ŭ intervju Delfi.
«Ja nie baču ni dadatkovaj vyhady, ni straty. Našy kantakty ź biełaruskaj apazicyjaj vielmi mocnyja, i nie tolki sa Śviatłanaj. Apazicyja — heta nie tolki Śviatłana, heta značna bolš ludziej. Ja rada, što byli vyzvaleny apošnija lidary, jakija taksama ŭdzielničali ŭ prezidenckich vybarach. Mnie zdajecca, heta vielmi važna», — padkreślivaje premjer.
Učora dypłamatyčny daradca Cichanoŭskaj Dzianis Kučynski paćvierdziŭ, što častka ofisa budzie pieraviedziena ŭ Varšavu. Praŭda, jon zapeŭniŭ, što dziejnaść ofisa ŭ Litvie praciahniecca, a rašeńnie ab pašyreńni jaho dziejnaści ŭ Varšavie było pradyktavana situacyjaj, jakaja źmianiłasia ŭ halinie biaśpieki.
Ciapier čytajuć
Łukašenka: Abmiarkoŭvajem z ZŠA vyzvaleńnie palitviaźniaŭ24
Kamientary
Vy na našaj " biadzie " biełarusaŭ majecie i ni ty Inhie mnie niešta raspaviadać budieš
Tamu Inha viadzi sabie pa ludzki prystojna ...kab ni atrymać ińšaje staŭleńnie
Cichanoŭskuju papruć ź Litvy, a Labiedźki-Dabravolskija zastanucca rabić spravy byccam by ad jaje imia?
Labiedźka na Radyjo Svaboda skazaŭ, što źjazdžać ź Litvy nie źbirajecca.
Dyk viarni ŭsio paraśpichanaje pa kišeniam!