Ministerstva achovy zdaroŭja čakaje najbližejšym časam usplosku reśpiratornych zachvorvańniaŭ. Pra heta zajaviła namieśnica hałoŭnaha lekara pa epidemijałohii Respublikanskaha centra hihijeny, epidemijałohii i hramadskaha zdaroŭja Ała Daškievič.
«Zaraz situacyja z vostrymi reśpiratornymi infiekcyjami charakternaja dla hetaha pieryjadu hoda. Adnak u nastupnyja tydni my čakajem pavieličeńnia kolkaści chvorych», — skazała jana.
Pavodle jaje słoŭ, zaraz u krainie cyrkuluje virus hrypu H3N2, a taksama rehistrujucca asobnyja vypadki hrypu V. Akramia taho, prysutničajuć niehrypoznyja virusy: parahryp, adenavirusy i inšyja.
«Karanavirus. My možam havaryć pra toje, što jon užo pierajšoŭ u razrad siezonnych reśpiratornych infiekcyj. Jon taksama ciapier sustrakajecca siarod nasielnictva, ale ŭ značna mienšaj stupieni, čym u papiarednija hady. Usio ž taki na siońnia my havorym pra pavieličeńnie kolkaści chvorych na reśpiratornyja niehrypoznyja infiekcyi i na hryp», — dadała jana.
Ciapier čytajuć
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im14
Kamientary