Міністэрства аховы здароўя чакае найбліжэйшым часам усплёску рэспіраторных захворванняў. Пра гэта заявіла намесніца галоўнага лекара па эпідэміялогіі Рэспубліканскага цэнтра гігіены, эпідэміялогіі і грамадскага здароўя Ала Дашкевіч.
«Зараз сітуацыя з вострымі рэспіраторнымі інфекцыямі характэрная для гэтага перыяду года. Аднак у наступныя тыдні мы чакаем павелічэння колькасці хворых», — сказала яна.
Паводле яе слоў, зараз у краіне цыркулюе вірус грыпу H3N2, а таксама рэгіструюцца асобныя выпадкі грыпу В. Акрамя таго, прысутнічаюць негрыпозныя вірусы: парагрып, адэнавірусы і іншыя.
«Каранавірус. Мы можам гаварыць пра тое, што ён ужо перайшоў у разрад сезонных рэспіраторных інфекцый. Ён таксама цяпер сустракаецца сярод насельніцтва, але ў значна меншай ступені, чым у папярэднія гады. Усё ж такі на сёння мы гаворым пра павелічэнне колькасці хворых на рэспіраторныя негрыпозныя інфекцыі і на грып», — дадала яна.
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары