Cichanoŭskaja: Jany nie chočuć pieramoŭ, jany chočuć, kab my dobraachvotna pajšli ŭ turmy
Śviatłana Cichanoŭskaja ŭ intervju polskamu vydańniu Rzeczpospolita zajaviła, što biełaruskija demakratyčnyja siły adkryty da kanstruktyŭnych kantaktaŭ z pradstaŭnikami režymu.
Pa jaje słovach, demakratyčnyja siły hatovyja da pieramoŭ z režymam, navat kali jany adbuducca za začynienymi dźviaryma.
«My zaŭsiody vitajemsia z pradstaŭnikami režymu ŭ roznych ustanovach, naprykład, u AAN abo ŭ Parłamienckaj asamblei Rady Jeŭropy.
Jany reahujuć na heta pa-roznamu — niekatoryja adkazvajuć, niekatoryja nie. U Vatykanie naša delehacyja razmaŭlała z pradstaŭnikami režymu, ale źmiest hetaj hutarki zastaniecca ŭ ścienach Śviatoha Pasadu. My adkrytyja dla dyjałohu z režymam Łukašenki. Nazapasiłasia šmat temaŭ dla abmierkavańnia», — skazała jana.
Palityk ličyć, što Łukašenka pry hetym nieabaviazkova pavinien znachodzicca na takich pieramovach — jon moža daručyć ich uradu.
«My časta źviartajemsia da [dośviedu] polskaha Kruhłaha stała, tamu što jon dla nas dobry prykład. Ale režym hetaha nie choča. Jany chočuć našaj kapitulacyi — kab my schilili kaleni i dobraachvotna pajšli ŭ turmy. Hetaha nie budzie. Łukašenka ŭžo ciapier moh by pačać pieramovy, vyzvaliŭšy 1200 palityčnych źniavolenych. Jon moh by spynić represii. Dastatkova nie sadžać kožny dzień pa niekalki čałaviek u turmy».
Jana taksama adkazała na pytańnie polskaha žurnalista pra skandały ŭ biełaruskaj apazicyi, u tym liku ab źniknieńni Anžaliki Mielnikavaj. «Takoje žyćcio. Ludzi abjadnoŭvajucca, ale i sychodziać». Cichanoŭskaja nie viedaje, dzie znachodzicca Mielnikava, i nie zachacieła śpiekulavać na hetu temu.
Ciapier čytajuć
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU5
Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu66
Kamientary