Vyjšaŭ muzyčny albom na vieršy paetaŭ pieršaj pałovy XX stahodździa, jakija pisali na idyš
U albom uvajšli kampazicyi na vieršy Lejba Najdusa, Mojše Kulbaka, Izi Charyka, Abrama Rejziena — vialikich paetaŭ, čyje imiony siońnia amal nieviadomy šyrokaj aŭdytoryi, a idyš — mova, na jakoj jany pisali, źnik sa štodzionnaha žyćcia.
Vyjšaŭ muzyčny albom na vieršy paetaŭ pieršaj pałovy XX stahodździa, jakija pisali na idyš.
Yiddish Veršes — muzyčny albom, zasnavany na vieršach jaŭrejskich paetaŭ Biełarusi, jakija pisali na idyšy ŭ pieršaj pałovie XX stahodździ. Siem sučasnych biełaruskich artystaŭ pieraasensavali zabytyja teksty i pieratvaryli ich u aryhinalnyja muzyčnyja kampazicyi ŭ roznych žanrach: ad letuciennaha daba i elektroniki da art-rok ekśpierymientaŭ i repa.
Prajekt inicyjavany Centram biełaruska-jaŭrejskaj kulturnaj spadčyny ŭ partniorstvie z muzyčnym łejbłam Radio Plato. Jaho meta — viarnuć u kulturnuju prastoru płast biełaruskaj historyi, vycieśnieny z hramadskaj pamiaci. Yiddish Veršes prapanuje novaje čytańnie kulturnaj spadčyny, što dziesiacihodździami zastavałasia ŭ cieni.
U albom uvajšli kampazicyi na vieršy Lejba Najdusa, Mojše Kulbaka, Izi Charyka, Abrama Rejziena — vialikich paetaŭ, čyje imiony siońnia amal nieviadomy šyrokaj aŭdytoryi, a idyš — mova, na jakoj jany pisali, źnik sa štodzionnaha žyćcia.
Udzielnikami alboma stali siem biełaruskich muzykaŭ: Palina, Tok Rukoo, KOOB, WTBSK, Syndrom Samazvanca, Łajtovy i Anastasia Rydlevskaya.
Ekśpiertnuju padtrymku Yiddish Veršes akazvajuć litaraturaznaŭca, prafiesar słavistyki i judaiki Michaił Krucikaŭ (University of Michigan) i linhvist Siarhiej Šupa (Praha).
Publičnaja prezientacyja alboma adbudziecca 13 červienia ŭ Vilni ŭ ramkach haradskoha fiestyvalu «Noč kultury» z udziełam artystaŭ z kampilacyi.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ12
Kamientary