Kyrhyzski pieravozčyk chacieŭ aščadzić pry ŭvozie aŭtatechniki, ale zapłacić utraja bolš
Pieravozčyk z Kyrhyzstana zaniziŭ košt transpartnych srodkaŭ, jakija ŭvoziacca ŭ Biełaruś, amal u dva razy. Heta było zroblena, kab źmienšyć mytnyja płaciažy na 37 tysiač rubloŭ, paviedamiła 12 žniŭnia pres-słužba Dziaržaŭnaha mytnaha kamiteta Biełarusi.
Pavodle danych viedamstva, piać ciahačoŭ i mikraaŭtobus, jakija prybyli z Hiermanii, prajšli praz punkt propusku Hryhoraŭščyna na miažy z Łatvijaj.
Mytniki źviarnuli ŭvahu na vielmi nizki zajaŭleny košt transpartnych srodkaŭ. U dakumientach jany byli acenienyja prykładna ŭ 200 tysiač rubloŭ, a pa vynikach pravierki realny košt skłaŭ kala 400 tysiač.
Viciebskaja mytnia pačała administracyjnyja pracedury za padaču niedakładnych źviestak pra tavary, što parušaje artykuł 15.5 častku 3 Kodeksa ab administracyjnych pravaparušeńniach.
Pavodle zakona, akramia niedapłačanych mytnych zboraŭ, pieravozčyku ciapier daviadziecca zapłacić štraf da 30% ad koštu pradmietaŭ pravaparušeńnia, jaki moža pieravysić u try razy płanavanuju ekanomiju ad niezakonnaha zanižeńnia cany.
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»8
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary