75-hadovy dziadula ŭ Miadzielskim rajonie adpraviŭsia na rovary ŭ 30-kiłamietrovy pachod i prapaŭ
Milicyja i pošukava-vyratavalny atrad «Anioł» šukajuć 75-hadovaha žychara vioski Zani Michaiła Lacha, pra jakoha niama źviestak paśla taho, jak jon viečaram 8 žniŭnia pajechaŭ na rovary sa svajho doma.
Namieśnik kamandzira PVA «Anioł» pa suviaziach z hramadskaściu Julija Koŭhan raspaviała Kraj.by:
— Miadzielskaja milicyja paprasiła nas ab dapamozie ŭ pošuku Michaiła Lacha. Pavodle źviestak milicyi, pažyły mužčyna 8 žniŭnia kala 19:00 na ciomna-šerym rovary Arena Storm 26 vyjechaŭ sa svajho doma ŭ vioscy Zani. Papiarednie ŭstanoŭlena, što jon źbiraŭsia pajechać u viosku Koniki. Hety nasieleny punkt raźmieščany nie tak užo i blizka ad Zaniaŭ. Jon navat znachodzicca ŭ inšym sielsaviecie — u Kniahininskim, na paŭdniovy ŭschod ad Miadzieła, za 37 kiłamietraŭ ad vioski Zani pa aŭtamabilnaj darozie i za 30 kiłamietraŭ — piešym maršrutam, jaki možna pieraadoleć na rovary. My pakul zajmajemsia infarmavańniem pra źniknieńnie Michaiła Lacha. Vyjezd na aktyŭnyja pošuki na siońniašni dzień nie maje sensu, bo pa tych źviestkach, jakija jość, niezrazumieła, dzie mienavita treba šukać.
Staršy apierupaŭnavažany adździaleńnia kryminalnaha vyšuku kryminalnaj milicyi Miadzielskaha RAUS Andrej Kajko 11 žniŭnia ŭ 15:50 paviedamiŭ:
— Pra źniknieńnie Michaiła Lacha 10 žniŭnia nam zajaviła jaho žonka. Žančyna dumała, što treba čakać troje sutak z dnia źniknieńnia. Ale siońnia my prajechali ad Zaniaŭ da Konikaŭ. Jość lasnaja darožka pamiž hetymi vioskami. Šukajem. Pračesvajem lasy i pali. Vyniku pakul niama.
Kali vam što-niebudź viadoma pra miescaznachodžańnie Michaiła Mikałajeviča Lacha, abo vy jaho bačyli, prośba paviedamić pra heta pa telefonach PSA «Anioł»: 7733 (dla ŭsich apierataraŭ mabilnaj suviazi), +375 29 270-77-33. Albo pa telefonie 102 u bližejšy adździeł milicyi.
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary
Tak, biełaruskaj zaraz niama, adnak čym drenna anhielskaja abo polskaja (dla emihranta)? Tady b na mapie było "Myadzel / Miadzieł", "Narach Lake / voziera Narač", a nie "Miadiel / oz.Naroċ".
Tady nazvy na mapie biełaruskija + biełaruskim tranślitam na bazie łacinki.
Abo ŭvohule brać OSM, jaki daŭno pierajšoŭ na biełaruskija nazvy ŭ Biełarusi.