8 žniŭnia ŭ izalatary časovaha ŭtrymańnia Bresta zdaryŭsia pažar, daviedałasia «Jeŭraradyjo» z ułasnych krynic.
Hareŭ dach ustanovy, u budynku adklučyłasia elektryčnaść, i viaźniaŭ doŭha nie mahli ź jaho vyvieści.
Pažar pačaŭsia ranicaj u piatnicu i praciahvaŭsia prykładna da abiedu, jakoha ŭ viaźniaŭ u vyniku nie było.
Jašče pierad tym jany zaŭvažyli, što ŭ budynku pačalisia prablemy z vadoj i śviatłom.
Pavodle infarmacyi «Jeŭraradyjo», abyšłosia biez achviar.
Chacia kanflikt uźnik pamiž milicyjaj i ratavalnikami, jakich nie chacieli prapuskać na «režymny abjekt». Taksama surazmoŭca «Jeŭraradyjo» kaža, što ratavalniki nie zmahli padłučycca da hidrantaŭ, i vadu daviałosia padavać z-za miežaŭ izalatara.
Tym časam źniavolenyja ŭ kamierach razumieli, što adbyvajecca niešta nadzvyčajnaje, ale im ničoha nie paviedamlali, piša vydańnie.
U zvodkach MNS za 8 žniŭnia zhadak pra pažar u bresckim IČU niama.
U hety izalatar pryvoziać u tym liku i «palityčnych», naprykład, ludziej, zatrymanych na ŭjeździe ŭ Biełaruś za «ekstremsckija» padabajki i spasyłki.
Ciapier čytajuć
«Čaściej za ŭsio žučok staviać niedaloka ad razietak». Jak siłaviki prasłuchoŭvajuć biełarusaŭ pa telefonie i ŭ kvaterach12
Kamientary