Mahistratura ŭ Jeŭropie — vydatny šaniec atrymać jeŭrapiejskuju adukacyju i zastacca žyć i pracavać u Jeŭrasajuzie. Što treba dla pastupleńnia

Dla kaho padychodzić mahistratura ŭ EHU

Pastupić u mahistraturu mohuć ludzi z vyšejšaj adukacyjaj niezaležna ad taho, kali i ŭ jakoj krainie jany skončyli navučańnie.

Va ŭniviersitecie adznačajuć, što siarod mahistrantaŭ šmat nie tolki niadaŭnich vypusknikoŭ bakałaŭryjatu, ale i ludziej va ŭzroście kala 35 hadoŭ i starej. Matyvacyja dla pastupleńnia byvaje roznaja. Niechta choča zakryć hieštalt z maładości, inšyja iduć, kab źmianić prafiesiju abo pavysić kvalifikacyju, važnuju rolu taksama hraje jeŭrapiejski dypłom mahistra, kažuć u EHU.

Ahułam ža mahistratura ŭ Jeŭropie — heta propusk u navuku i akademičnyja struktury, a taksama da bolš prestyžnych i vysokich pasadaŭ u abranaj prafiesijnaj śfiery.

Zručnaść navučańnia ŭ mahistratury taksama zaklučajecca ŭ tym, što čałaviek padčas navučańnia moža praciahvać pracavać, bo zaniatki ŭ asnoŭnym adbyvajucca anłajn i ŭviečary. Zvyčajna heta 1—2 pary niekalki razoŭ na tydzień.

Mahistrant moža pražyvać u luboj krainie — u Biełarusi, Polščy abo dzie-niebudź jašče. Pry hetym univiersitet dapamahaje z atrymańniem vizy, a paśla — litoŭskaha VNŽ, jaki daje prava nie tolki naviedvać Vilniu dla vučoby, ale i žyć i pracavać u Litvie. Možna navat zajmacca indyvidualnaj dziejnaściu (anałah IP u Biełarusi).

Pavialičyć

Taksama ŭ EHU padkreślivajuć, što navučańnie ŭ mahistratury ŭ Jeŭropie — heta zručny sposab atrymać jeŭrapiejskuju adukacyju na bazie biełaruskaj, što adkryvaje šyrokija mahčymaści dla pracaŭładkavańnia ŭ Jeŭropie.

Univiersitet prapanuje 7 mahistarskich prahram

• Kanceptualny dyzajn i sučasnaje mastactva — termin navučańnia — 2 hady. Vypuskniku prysvojvajecca kvalifikacyja mahistra mastactva.
• Hiendarnyja daśledavańni — termin navučańnia — 1,5 hoda. Unikalnaja mahistratura pa aktualnaj miždyscyplinarnaj tematycy, adzinaja ŭ Litvie. Vypuskniku prysvojvajecca kvalifikacyja mahistr sacyjalnych navuk.
• Intehratyŭnyja urbanistyčnyja daśledavańni — termin navučańnia — 2 hady. Vypuskniku prysvojvajecca kvalifikacyja mahistr sacyjalnych navuk. Navučańnie prachodzić adrazu u troch univiersitietach — Technałahičnym univiersitecie Brno (Čechija), EHU i Univiersitecie Ŭrocłava (Polšča) — pa adnym siamiestry ŭ kožnym.
• Publičnaja palityka i palityčnaja kamunikacyja — termin navučańnia — 1,5 hoda. Vypuskniku prysvojvajecca kvalifikacyja mahistr sacyjalnych navuk.
• Raźvićcio kulturnaj spadčyny — termin navučańnia — 1,5 hoda. Vypuskniku prysvojvajecca kvalifikacyja mahistr humanitarnych navuk.
• Mižnarodnaje prava i daśledavańni biaśpieki — termin navučańnia — 1,5 hoda. Vypuskniku prysvojvajecca kvalifikacyja mahistr prava.
• Mižnarodnaje handlovaje i biznes-prava (LL.M.) (nabor z 15 listapada) — termin navučańnia — 1 hod. Vypuskniku prysvojvajecca kvalifikacyja mahistr prava (LL.M.).

Umovy dla pastupleńnia

Pa piaci ź siami prahram navučańnie adbyvajecca na anhlijskaj movie, tamu dla pastupleńnia treba mieć uzrovień anhlijskaj nie nižej za B2, ale ŭ niekatorych vypadkach mohuć zaličyć i z B1.

Kali čałaviek nie moža paćvierdzić vałodańnie anhlijskaj najaŭnaściu siertyfikata mižnarodnaj sistemy ekzamienacyi, takoj jak TOEFL, IELTS abo Cambridge English, abituryjent moža zdać biaspłatny moŭny test na bazie EHU. Dla mahistrantaŭ jon adbudziecca 22 žniŭnia.

Pa prahramach «Raźvićcio kulturnaj spadčyny» i «Publičnaja palityka i palityčnaja kamunikacyja» navučańnie adbyvajecca na ruskaj, biełaruskaj i taksama na anhlijskaj movach.

Druhoje patrabavańnie — siaredni bał atestata nie nižej za 8, dzie 60% — heta bał dypłomnaj pracy, a 40% — ahulny siaredni bał padčas navučańnia na bakałaŭryjacie.

Akramia hetaha, kandydat u mahistry prachodzić sumoŭje, kab vyznačyć matyvacyju i ahulny ŭzrovień adukacyi taho, chto žadaje vučycca ŭ mahistratury.

Pavialičyć

Padać dakumienty možna da 24 žniŭnia ŭklučna. Dla pastupleńnia ŭ EHU nie patrabujucca apastali na dakumienty.

Studenty mahistratury EHU mohuć na konkursnoj asnovie pretendavać na hranty i stypiendyi ad univiersiteta i ŭrada Litvy.

Zapisacca na kansultacyju i bolš padrabiazna vyvučyć mahčymaści navučańnia ŭ EHU možna na sajcie ŭniviersiteta, a taksama źviazaŭšysia z pradstaŭnikami ŭstanovy pa telefonie +370-644— 96‑317 (Viber, Telegram, WhatsApp). Abo elektronnaj pošcie [email protected] 

Padać ankietu abituryjenta možna pa spasyłcy.

• 6
• 1
• 2
• 0
• 0
• 0
• 0
• 0