Hałoŭčanka vypuściŭ pieršuju biełaruskuju załatuju manietu z «biełaruskaj syraviny»
Pieršuju załatuju manietu adčakanili mienavita ŭ Biełarusi. Pra heta staršynia praŭleńnia Nacyjanalnaha banka Raman Hałoŭčanka zajaviŭ na dakładzie ŭ Łukašenki ab raźvićci bankaŭskaj sistemy, paviedamlaje BiełTA.
«Usim viadoma, što Nacyjanalny bank aktyŭna vypuskaje ŭ abaračeńnie pamiatnyja i inviestycyjnyja maniety, u tym liku z kaštoŭnych mietałaŭ. Dla mianie było siurpryzam daviedacca, što ŭsie jany vypuskalisia za miažoj. Pa zamovie Nacyjanalnaha banka, ale za miažoj. Spačatku ŭ Jeŭrasajuzie, potym u družalubnych krainach: Kitaj, Rasija, Kazachstan», — skazaŭ Raman Hałoŭčanka, jaki raniej byŭ premjer-ministram.
Pa słovach staršyni praŭleńnia Nacbanka, pry vypusku ŭ inšych krainach maniet z srebra abo zołata tam ža davodzicca kuplać i mietał, «pry hetym naša syravina — łom kaštoŭnych mietałaŭ — zastajecca niezapatrabavanaj. Tamu my ź ministram finansaŭ padumali: čamu sami nie možam zrabić?»
Raman Hałoŭčanka źviarnuŭ uvahu, što Homielskaje pradpryjemstva «Kryštal», jakoje pracuje z kaštoŭnymi mietałami, trochi daasnaścili i adčakanili pieršuju załatuju manietu, jakaja nazyvajecca «Słavianka».
Staršynia praŭleńnia Nacbanka pieradaŭ jaje Łukašenku. «Całkam zroblenaja ŭ Biełarusi ź biełaruskaj syraviny, kali možna tak skazać», — dadaŭ jon.
-
Biełarusam Alenie i Krystafu, u jakich u Varšavie zhareła arendnaja kvatera, za dzień sabrali bolš za $16 tysiač
-
Biełarus, jakomu zabaranili ŭjazdžać u Jeŭropu, znajšoŭ chitry sposab, jak heta abyści
-
Śpiecyjalisty patłumačyli, nakolki niebiaśpiečnyja masty i puciepravody, chiby jakich pakazvajuć u internecie
Kamientary
Viedajecie jašče kaho-niebudź ź biełaruskich hramadzian, jaki vypuskaŭ maniety, ha?