U Francyi praź vialikuju kolkaść mieduz časova spyniła pracu najbujniejšaja atamnaja elektrastancyja krainy Hraŭlin, jakaja znachodzicca na ŭźbiarežžy praliva Ła-Manš, piša Reuters.
Pa infarmacyi kampanii-apieratara EDF, u niadzielu i paniadziełak spynili pracu čatyry z šaści enierhietyčnych błokaŭ. Heta adbyłosia praz toje, što mieduzy trapili ŭ sistemu astudžeńnia i zabłakavali filtry na pompavych stancyjach.
Błoki №2, №3 i №4 spynilisia ŭnačy z 10 na 11 žniŭnia, a błok №6 — ranicaj 11 žniŭnia. Błoki №1 i №5 u toj čas užo byli na płanavym techničnym absłuhoŭvańni.
EDF zapeŭnivaje, što hetaja situacyja nie stvarała pahrozy ni dla piersanału, ni dla navakolnaha asiarodździa, ni dla jadziernaj biaśpieki. Ciapier praciahvajucca raboty pa ačyščeńni sistem i padrychtoŭcy da biaśpiečnaha pierazapusku enierhabłokaŭ.
AES Hraŭlin maje mahutnaść 5460 MVt i źjaŭlajecca adnoj z najbujniejšych atamnych stancyj nie tolki ŭ Francyi, ale i va ŭsioj Jeŭropie. Jana zabiaśpiečvaje značnuju častku elektrazabieśpiačeńnia na poŭnačy Francyi.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary