Byłoha kiraŭnika «fabryki trolaŭ» Pryhožyna ŭ Rasii prysudzili da 10 hadoŭ kałonii strohaha režymu
Sud pryznaŭ byłoha kiraŭnika miedyjahrupy «Patryjot» Ilju Harbunova vinavatym u vymahańni i zachoŭvańni narkotykaŭ. Jaho taksama aštrafavali na 500 tysiač rasijskich rubloŭ (6 370 dalaraŭ), piša Bi-bi-si.
Prakuratura prasiła dla Harbunova 10 hadoŭ i čatyry miesiacy kałonii, a taksama štraf u 5 młn rubloŭ (63 700 dalaraŭ). Miedyjamieniedžar svajoj viny nie pryznaŭ.
Pavodle viersii śledstva, u minułym hodzie Harbunoŭ vymahaŭ bolš za 10 młn rasijskich rubloŭ (127 tysiač dalaraŭ) u byłoha kalehi, ciapier deputata Zakanadaŭčaha schodu Pieciarburha Alaksandra Malkieviča. U 2018 hodzie Malkievič udzielničaŭ u zapusku sajta USA Really, źviazanaha z ahienctvam RIA FAN Jaŭhiena Pryhožyna.
Harbunova zatrymali minułahodnim letam paśla taho, jak Malkievič sustreŭsia ź im dla pieradačy hrošaj «pad kantrolem apieratyŭnikaŭ». Padčas vobšuku ŭ Harbunova znajšli hašyš.
Miedyjachołdynh «Patryjot» uklučaŭ u siabie niekalki vydańniaŭ, źviazanych ź biznesmienam Jaŭhienam Pryhožynym. Ilja Harbunoŭ kiravaŭ im z 2019 hoda, jon adkazvaŭ za sietku telehram-kanałaŭ i kuryravaŭ «fabryku trolaŭ».
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»21
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary